ԱՄՆ Ֆլորիդա նահանգում երկու մարդ է զոհվել, առնվազն երկուսը վիրավորվել են միաշարժիչ ինքնաթիռի և մեքենայի բախման հետևանքով։ Տեղեկությունը հաղորդում է ՌԻԱ Նովոստին` հղում տալով NBC-ին:
Նշվում է, որ զոհվածները գտնվել են օդաչուների խցիկում: Տուժած մեծահասակն ու երեխան եղել են մեքենայում, նրանց տեղափոխել են հիվանդանոց:
Միացյալ Նահանգների ավիացիոն դաշնային վարչությունը հաղորդել է, որ ինքնաթիռը վթարի է ենթարկվել Պեմբրոկ Փայնս քաղաքում օդանավակայանից թռիչքից մի քանի րոպե անց տեղական ժամանակով ժամը 15.00-ին (Երևանի ժամանակով 23.00):
