ԵՐԵՎԱՆ, 12 մարտի – Sputnik. Ռուսաստանցի հայ պրոդյուսերներ Սարիկ և Ղևոնդ Անդրեասյան եղբայրները «Մարս Մեդիա Ինթերթեյմընթ» ընկերությանն են փոխանցել իրենց վերջին ֆիլմի՝ «Կոմայի» իրավունքները։ Տեղեկությունը հայտնում է Mash Telegram-ալիքը։
«Ախպերությունն օգնեց»․ Սարիկ Անդրեասյանը պատմել է Մոսկվայի «հայկական մաֆիայի» մասին
«Կոմա» ֆիլմը, որը նկարահանել էր Անդրեասյանի «Большое кино» ստուդիան, վարձույթում ընդամենը 2,5 միլիոն դոլար էր հավաքել՝ երկու անգամ ավելի քիչ, քան ծախսվել էր նախագծի ֆինանսավորման վրա։ Կինոյի ֆոնդը պահանջել էր վերադարձնել ֆիլմի ստեղծման համար ներդրված միջոցները՝ 35 միլիոն ռուբլի։
Ֆիլմի արտադրության համար ծախսված 50 միլիոն ռուբլի Անդրեասյանները պարտք են մնացել «Մարս Մեդիա Ինթերթեյմընթին»։ Պրոդյուսերները ստիպված են եղել ընկերությանը փոխանցել «Կոմա» ֆիլմի իրավունքները՝ ֆիլմի վրա ծախսված միջոցները վերադարձնելու համար։ Ավելի վաղ հայտնի հումորիստ և դերասան Միխայիլ Գալուստյանը պարտքերի դիմաց Սարիկ Անդրեասյանից դատարանի միջոցով ստացել էր «Չներվածը» ֆիլմի իրավունքները։
