ԵՐԵՎԱՆ, 7 մարտի – Sputnik. Ավստրիայի իշխանությունները անվտանգության նկատառումներից ելնելով որոշել են դադարեցնել կորոնավիրուսի դեմ AstraZeneca պատվաստանյութի խմբաքանակի օգտագործումը ՝ պատվաստված մի կնոջ մահվան, մյուս կնոջ մոտ առաջացած հիվանդության պատճառով:
Տեղեկությունը հայտնում է ՌԻԱ Նովոստին՝ հղում անելով առողջապահության ոլորտում անվտանգության ավստրիական դաշնային գերատեսչությանը։
Նշվում է, որ 49-ամյա կինը, որը կորոնավիրուսից պատվաստում է ստացել, մահացել է արյան մակարդելիության լուրջ խախտումների հետևանքով: Մեկ այլ պատվաստված կնոջ` 35-ամյա քաղաքացու մոտ զարգացել է թոքային զարկերակի թրոմբոէմբոլիա։ Այժմ նա բուժում է ստանում։
Երկու դեպքում էլ օգտագործվել է պատվաստանյութի նույն խմբաքանակից։
«Ներկայումս դեպքերի և պատվաստումների միջև պատճառահետևանքային կապի որևէ ապացույց չկա», - ընդգծել են գերատեսչությունում:
Ընդ որում, նշվում է, որ թոքային զարկերակի թրոմբոէմբոլիան չի դասվում AstraZeneca-ի դեմ պատվաստանյութի կողմնակի ազդեցությունների թվին:
ԱՄՆ-ի գլխավոր վարակաբանը գնահատել է ռուսական «Սպուտնիկ V» պատվաստանյութը
Կատարվում է հետաքննություն՝ պատվաստվածների առողջական վիճակի վատթարացման և պատվաստումների միջև կապի առկայությունը բացառելու համար։
