ԵՐԵՎԱՆ, 23 փետրվարի — Sputnik. Ամերիկահայ հեռուստաաստղ Քիմ Քարդաշյանը շնորհավորել է հանգուցյալ հոր` Ռոբերտ Քարդաշյանի ծննդյան օրը։ Նա Instagram–ի իր էջում ընտանեկան լուսանկար է հրապարակել ու հուզիչ գրառում կատարել։
View this post on Instagram
«Ծնունդդ շնորհավոր, պապ։ Ես ամեն Աստծո օր հիշում եմ քեզ։ Ես այնքան շատ բան ունեմ քեզ ասելու։ Անգամ այսքան տարի անց զանգահարել էի քո հեռախոսահամարին` հուսով, որ ինչ-որ մեկը կվերցնի հեռախոսը։ Անսահման կարոտում եմ քեզ»,- գրել է Քիմը։
Լուսանկարին մեկնաբանություն է թողել Քիմի քույրը` Քլոյե Քարդաշյանը։ «Սիրում եմ քեզ հայրիկ»,–գրել է նա։
Հիշեցնենք` նախորդ տարի Քիմ Քարդաշյանն անմոռանալի նվեր էր ստացել իր արդեն նախկին ամուսնուց՝ աշխարհահռչակ ռեփեր Քանյե Ուեսթից` ծննդյան 40-ամյակի կապակցությամբ։ Քանյեն արել է ամեն ինչ, որպեսզի Քիմի հանգուցյալ հայրը՝ Ռոբերտ Քարդաշյանը, հոլոգրաֆիայի տեսքով շնորհավորի դստեր տարեդարձը։
Ռոբերտ Քարդաշյանը «շնորհավորել էր» դստերն ու նշել, որ հպարտանում է իր աղջկանով։
Ռոբերտ Քարդաշյանը ծնվել է 1944 փետրվարի 22-ին։ Նա ամերիկահայ փաստաբան էր, որը հայտնի էր դարձել ամերիկյան ֆուտբոլիստ Օ՛ Ջեյ Սիմփսոնի գործը հաղթելով։ Ռոբերտ Քարդաշյանը մահացել է 2003 թվականին՝ 59 տարեկան հասակում։
