ԵՐԵՎԱՆ, 23 փետրվարի - Sputnik. Հայրենիքի փրկության շարժման քայլերթի մասնակիցները հավաքվել են ոստիկանության շենքի մոտ՝ պահանջելով, որ ոստիկանապետն իջնի և պարզաբանում տա ժողովրդին քաղաքացիների նկատմամբ այսօր իրականացված բռնությունների վերաբերյալ։
Նրանք ոստիկանապետին 15 րոպե ժամանակ տվեցին` իրենց մոտ իջնելու և պարզաբանում տալու՝ քաղաքացիների նկատմամբ այսօր իրականացված բռնությունների վերաբերյալ։ Երթի մասնակիցները պահանջեցին, որ ոստիկանապետը իջնի իրենց մոտ, այլապես կշրջափակեն շենքը։
![Բողոքի երթի մասնակիցները բացատրություն են պահանջում ոստիկանապետից Բողոքի երթի մասնակիցները բացատրություն են պահանջում ոստիկանապետից - Sputnik Արմենիա, 1920, 23.02.2021](https://cdn.am.sputniknews.ru/img/07e5/02/17/26558214_0:0:1600:1067_1920x0_80_0_0_3fe84f9fceb22ea935162a84ecce4cec.jpg)
Մինչ այդ շարժման ղեկավարները ծաղիկներ դրեցին Արամ Մանուկյանի կիսանդրու մոտ։
Մարդիկ վանկարկում են «ամոթ», քաղաքական գործիչները ելույթներ են ունենում՝ վարչապետ Նիկոլ Փաշինյանի հրաժարականի պահանջով։
![Բողոքի երթի մասնակիցները բացատրություն են պահանջում ոստիկանապետից Բողոքի երթի մասնակիցները բացատրություն են պահանջում ոստիկանապետից - Sputnik Արմենիա, 1920, 23.02.2021](https://cdn.am.sputniknews.ru/img/07e5/02/17/26558663_0:0:1600:1067_1920x0_80_0_0_03cfdb8e20691a74129cb0b8a6905555.jpg)
Ցուցարարներից մեկը հայտնեց, որ ոստիկանապետը տեղեկացրել է, որ կհանդիպի ընդդիմադիրների հետ, բայց ոչ այսօր։
Շարժման վարչապետի թեկնածու Վազգեն Մանուկյանը, դիմելով ոստիկաններին ասաց, որ անգամ ԽՍՀՄ-ում ոստիկանները այդքան դաժան չեն եղել։
«Այդ ո՞ւմ եք պաշտպանում, պատասխան եք տալու մինչև վերջ։ Ես այսպիսի դաժան ոստիկանություն, որը հիմա է, երբեք չեմ տեսել», - ասաց նա։
Բողոքի երթի մասնակիցներն այժմ շարժվում են դեպի ԱԱԾ շենք։
![Բողոքի երթի մասնակիցները բացատրություն են պահանջում ոստիկանապետից Բողոքի երթի մասնակիցները բացատրություն են պահանջում ոստիկանապետից - Sputnik Արմենիա, 1920, 23.02.2021](https://cdn.am.sputniknews.ru/img/07e5/02/17/26558658_0:0:1600:1067_1920x0_80_0_0_e1111d2d847fb4a97dfb0cd6337e8cba.jpg)
Հիշեցնենք, որ բողոքի ակցիան մեկնարկել է Հանրապետության հրապարակի՝ Արամ Մանուկյանի արձանի մոտից։ Մի խումբ երիտասարդներ կարճ ժամանակով փակել էին Խանջյան փողոցը։
Նշենք, որ նոյեմբերի 9–ին եռակողմ հայտարարության ընդունումից հետո Հայաստանում պարբերաբար հանրահավաքներ են տեղի ունենում` ՀՀ վարչապետ Նիկոլ Փաշինյանի հրաժարականի պահանջով։