ԵՐԵՎԱՆ, 20 փետրվարի - Sputnik. Մոսկվայի հյուսիս-արևելքում գտնվող բնակարանում 2009 և 2017 թվականներին ծնված երեխաների` տղայի և աղջկա դիեր են հայտնաբերվել։ Մոսկվայի դատախազությունը քննություն է սկսել դեպքի առնչությամբ։
«Նախնական տեղեկություններով՝ փետրվարի 20-ին բնակարանում հայտնաբերվել են ծնողների հետ բնակվող եղբոր և քրոջ մարմինները։ Նրանց մորը տեղափոխել են բժշկական կենտրոն»,-ասված է ՌԴ դատախազության մամուլի ծառայության հաղորդագրության մեջ։
ՌԻԱ Նովոստիի` իրավապահ մարմինների աղբյուրը հայտնել է, որ երեխաների մայրը` 1984 թվականին ծնված կինը, հայտնաբերվել է պարանոցի կտրած վերքերով։ Նախնական վարկածով ՝ նա խեղդամահ է արել երեխաներին և փորձել ինքնասպան լինել։
Դատախազությունը նշում է, որ այժմ փորձում են պարզել տեղի ունեցածի հանգամանքները։ Մոսկվայի դատախազ Դենիս Պոպովի անձնական վերահսկողության ներքո է գտնվում գործի քննությունը։
