ԵՐԵՎԱՆ, 16 փետրվարի - Sputnik. Հայաստանի ֆուտբոլի ազգային հավաքականի պաշտպան Վարազդատ Հարոյանը նոր ակումբ ունի, տեղեկացնում է ղազախական ակումբի պաշտոնական կայքը:
Հայ ֆուտբոլիստը պայմանագիր է կնքել ղազախական «Աստանա» ֆուտբոլային ակումբի հետ, որտեղ և մարզվում էր վերջին օրերին: Պայմանագրի կետերի հետ կապված այլ մանրամասներ դեռևս հայտնի չեն:
Մինչ այս Հարոյանը հանդես էր գալիս ռուսական «Տամբով»-ում, որը ֆինանսական խնդիրների պատճառով լուծարվեց:
Հիշեցնենք, որ ղազախական «Աստանա»-ի կազմում է հանդես գալիս նաև Հայաստանի ազգային թիմի կիսապաշտպան Տիգրան Բարսեղյանը:
Հայաստանի ֆուտբոլի ազգային ընտրանու կազմում Հարոյանը մասնակցել է 55 խաղի` դառնալով 2 գոլի հեղինակ:
