Երևանում երկրաշարժի պատճառով առաջացած անհանգստությունը պահպանվում է։ Քաղաքացիները, չնայած այն հանգամանքին, որ դրսում եղանակը ցրտել է, դեռ շարունակում են մնալ բաց տարածքներում` անվտանգության նկատառումներից ելնելով։
Sputnik Արմենիայի թղթակիցը «Երևան մոլ» առևտրի կենտրոնի տարածքում արձանագրել է, թե ինչպես են կենտրոնի մեծ թվով այցելուները երկրաշարժից վախեցած դուրս եկել շենքից ու շարունակում են դրսում մնալ` խուսափելով շենքի ներսում գտնվելուց։
Երկրաշարժից հետո Երևանի կենտրոնի բնակելի շենքերում ճաքեր են առաջացել. տեսանյութ
ՀՀ արտակարգ իրավիճակների նախարարությունն ավելի վաղ հայտնել էր, որ այսօր` ժամը 15:29-ին ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցը գրանցել է հյուսիսային լայնության 40.11⁰ և արևելյան երկայնության 44.54⁰ աշխարհագրական կոորդինատներով` Հայաստան` Երևան քաղաքից 8 կմ հարավ-արևելք, օջախի 10 կմ խորությամբ, 4.7 մագնիտուդով երկրաշարժ: Էպիկենտրոնային գոտում ստորգետնյա ցնցման ուժգնությունը կազմել է 6-7 բալ:
Երկրաշարժը զգացվել է Երևան քաղաքում` 5-6 բալ ուժգնությամբ, Արագածոտնի, Արարատի, Շիրակի, Արմավիրի, Վայոց Ձորի մարզերում` 3-4 բալ ուժգնությամբ:
