ԵՐԵՎԱՆ, 5 փետրվարի – Sputnik. Ռուսաստանի վարչապետ Միխայիլ Միշուստինն այսօր «Almaty Digital Forum 2021»–ի ժամանակ բջջային հավելված է ներկայացրել, որի մասին խոսել է Եվրասիական զարգացման բանկի վարչության նախագահի տեղակալ Տիգրան Սարգսյանը։
Նրա խոսքով` «Աշխատանք առանց սահմանների» նախագծի ուղղությամբ աշխատանքը մեկնարկել է Եվրասիական տնտեսական միության հանձնաժողովում Ղազախստանի նախաձեռնությամբ։
«Մեզ առաջարկել էին մշակել թվային լուծում, որը թույլ կտար երկրներին տեղեկություններ ն փոխանակել թափուր տեղերի մասին ու այդ տեղեկությունները տրամադրել բոլոր սպառողներին։ Մենք այդ նախագիծը որպես առաջնահերթություն ընտրեցինք։ Միջկառավարական խորհուրդը հաստատեց նախագիծը, որը հաջողությամբ իրականացվեց հանձնաժողովի, Եվրասիական հանձնաժողովի թվային գրասենյակի շրջանակում», - ասել է Սարգսյանը։
Հետագայում Ռուսաստանի վարչապետն առաջարկել է կատարելագործել պլատֆորմն ու միգրանտների համար հավելված գործարկել, քանի որ այդ հավելվածն ավելի հարմար գործիք կլինի բոլոր աշխատանք փնտրելու, պետական ծառայությունների հետ թվային շփման, սահմանը հատելու և անհրաժեշտ փաստաթղթեր ստանալու տեսանկյունից:
Ռուսաստանում նորից տեղ կգտնվի ԵԱՏՄ երկրների միգրանտների համար․ ԵԱԶԲ փորձագետներ
«Դա, իհարկե, մեզ շատ ոգեշնչեց, և այդ գաղափարը սկսեցինք իրականացնել արդեն Եվրասիական զարգացման բանկի թվային նախաձեռնությունների հիմնադրամի շրջանակում։ ՌԴ կառավարության ղեկավարն այսօր ներկայացրեց արդեն լրամշակված նախագիծը», - պարզաբանել Է Սարգսյանը։
Եվրասիական տնտեսական միությունը միջազգային ինտեգրացիոն տնտեսական միավորում է, որը գործում է 2015 թվականի հունվարի 1-ից: Միության մասնակիցներն են Ռուսաստանը, Հայաստանը, Բելառուսը, Ղազախստանը և Ղրղզստանը:
Պուտինը հանձնարարել է պարզեցնել շինարարությունում միգրանտներին ներգրավելու գործընթացը
