ԵՐԵՎԱՆ, 5 փետրվարի – Sputnik. Եվրասիական տնտեսական հանձնաժողովի նախագահի օգնական Իյա Մալկինան այսօր ԵԱՏՄ միջկառավարական խորհրդից հետո կայացած ճեպազրույցի ժամանակ հայտարարել է, որ Եվրասիական տնտեսական միությունում (ԵԱՏՄ) թվային միասնական հարթակ կստեղծեն աշխատուժի մոնիտորինգի համար։
Մալկինայի խոսքով` միության մի քանի երկրներում արդեն գործում են նման հարթակներ` ՌԴ–ում` «Աշխատանք Ռուսաստանում» կայքը, Հայաստանում՝ զբաղվածության պետական ծառայության կայքը: Հարթակներ կան նաև Ղրղզստանում, Ղազախստանում և Բելառուսում:
«Այդ հարթակը կօգնի հետևել Եվրասիական միությունում աշխատուժի տեղաշարժին և ստեղծել ընդհանուր շուկա», - հավելել է նա:
Միասնական պլատֆորմի նախագիծ է քննարկվում նաև տոհմային անասնաբուծության համար, ԵԱՏՄ պետությունները ցանկանում են փորձի փոխանակում անել, իսկ հետո փոխանակել նաև կենդանիների հիվանդությունների և անասնաբուժական միջոցների մասին տվյալները: Դա թույլ կտա բարձրացնել ԵԱՏՄ-ում մսամթերքի և կաթնամթերքի որակն ու անվտանգությունը։
Թվային տեխնոլոգիաներ և տարիֆային առավելություններ. Փաշինյանի խոսքը ԵԱՏՄ նիստի ժամանակ
Միասնական հարթակն արդեն գործում է նաև ԵԱՏՄ–ում արդյունաբերական ձեռնարկությունների համագործակցության համար։ Դրա օգնությամբ կարելի է գործընկեր-գործարաններ փնտրել համատեղ արտադրությունների համար։
Եվրասիական տնտեսական միությունը միջազգային ինտեգրացիոն տնտեսական միավորում է, որը գործում է 2015 թվականի հունվարի 1-ից: Միության մասնակիցներն են Ռուսաստանը, Հայաստանը, Բելառուսը, Ղազախստանը և Ղրղզստանը:
Ադրբեջանն ունի բոլոր հնարավորությունները ԵԱՏՄ մտնելու համար, ՀՀ–ն չի առարկում ոչ մի քայլի
