Էրիկ Սարգսյանի դիտարկմամբ` թեև իրենք կապի մեջ են ՀՀ պաշտպանության նախարարության հետ, սակայն այդ գերատեսչությունում չկա նման արտադրանք թողարկող ձեռնարկություններին պետպատվեր ներկայացնելու մեխանիզմներ։
«Մեր արտադրանքը բանակին ներկայացնում ենք անվճար, բայց մեկ պայմանով, որ գույքը մնա բանակի հաշվեկշռում ու չդառնա որևէ մեկի սեփականությունը։ Արտադրությամբ զբաղվողների, գործող հիմնարկների ու ՊՆ–ի միջև պետք է լինեն կապող օղակներ։ Օրինակ` մեզանում չկան լիաժեք գործող բաց բաժնետիրական ընկերություններ, մինչդեռ մարդիկ, ովքեր կարող են արժեթղթերի պոտենցիալ կրող լինել, հիմա էլ ցանկանում են օգտակար լինել ռազմարդյունաբերությանը»,– նշեց կոնստրուկտորը։
Սարգսյանի տեղեկացմամբ` իրենք փորձում են թողարկել երկակի նշանակության արտադրանք, որպեսզի դա ծառայի թե՛ քաղաքացիական անձանց, թե՛ զինվորականներին։
Ռազմարդյունաբերության համար փող կա, գաղափարներ` ոչ. Փաշինյան
Նրա համոզմամբ` արդյունաբերությունը միայն տեղեկատվական տեխնոլոգիաները չեն, իսկ ռազմարդյունաբերության ոլորտում չկան համապատասխան լուրջ մասնագետներ։
«Ծրագրավորողն աշխատում է վիրտուալ միջավայրում` համակարգիչ, ծրագրային բազա, օպերացիոն համակարգ, մինչդեռ ռազմական տեխնիկայի ոլորտում շատ քիչ են այն մարդիկ, որոնք կարող են աշխատել կոդավորված կամ ինչ–որ ալգորիթմներով աշխատող սարքերի հետ»,– նշեց կոնստրուկտորը։
Սարգսյանի կարծիքով` Հայաստանում նման սարքերի պահանջ և արտադրություն չի եղել, ինչպես նաև չեն եղել շուկան ձևավորող մասնագետներ։ Ըստ նրա`ուսումնական հաստատությունները տալիս են բազային գիտելիքներ, բայց համապատասխան ոլորտի մասնագետները հետագայում պետք է զբաղվեն ինքնակրթությամբ և կայանան պրակտիկ կյանքում` արտադրության մեջ։
Սարգսյանի գնահատմամբ`մեր աշխատաշուկան հիմնված է մոդայի վրա, մինչդեռ տնտեսության իրական պահանջներն այլ են, հետևաբար, պետությունը պետք է առաջնորդվի պլանային տնտեսությամբ` նայելով ապագայի պահանջներին։
Տավուշյան մարտերից հետո հայկական ռազմարդյունաբերության նկատմամբ հետաքրքրությունը մեծացել է
