Տան կատուն փրկել է փոքրիկի կյանքը`թույլ չտալով, որ նա բարձրանա պատշգամբի վանդակաճաղերի վրա։ Հետաքրքիր տեսանյութը Twitter-ի իր միկրոբլոկում հրապարակել է Հնդկաստանի անտառային ծառայության սպա Սուդհա Ռամենը։ Այնուհետև այն կայծակնային արագությամբ տարածվել է համացանցում:
Տեսանյութում երևում է, թե ինչպես է փոքրիկ երեխան փորձում կանգնել պատշգամբի վանդակաճաղերի վրա։ Սակայն կողքին կանգնած կատուն անընդհատ հարվածում է երեխայի թաթիկին` թույլ չտալով նրան իրագործել իր ծրագիրը։
Երբ երեխան ավելի վճռական փորձում է բարձրանալ վանդակաճաղերի վրա, ընտանի կենդանին ինքն է բարձրանում դրանց վրա` խանգարելով նրան։
Համացանցի օգտատերերը կատվին իսկական հերոս և երեխայի պահապան հրեշտակ են անվանել։ Նրանցից շատերը քննադատել են երեխայի հորը, ով, ամենայն հավանականությամբ, նկարահանում է տեսանյութը։ Տեսագրության վերջում երևում են տղամարդու ոտքերը։
Կամակոր կատուն և համբերատար շունը. զվարճալի տեսանյութ դարավոր «թշնամիների» մասին
