ԵՐԵՎԱՆ, 2 փետրվարի – Sputnik. Մոսկվայի Սիմոնովսկի դատարանն այսօր չեղարկեց «Իվ Ռոշեի» գործով Ալեքսեյ Նավալնու պայմանական ժամկետը և փոխարինեց այն 3.5 տարվա իրական ազատազրկմամբ։ Մոսկվայի քաղաքային դատարանում կայացած արտագնա նիստից տեղեկությունը փոխանցել է ՌԻԱ Նովոստիի թղթակիցը։
«Դատարանը Քրեակատարողական դաշնային ծառայության ներկայացրածը բավարարման ենթակա է համարում», – դատարանի որոշումն է հրապարակել Նատալյա Ռեպնիկովան։
Ավելի վաղ Նավալնուն երեք անգամ հաջողվել էր խուսափել պայմանական ժամկետն իրականով փոխարինելուց։ 2015 և 2016 թվականներին մերժման որոշումներ էր կայացրել Մոսկվայի Լյուբլինոյի շրջանի դատարանը, իսկ 2017 թվականին Մոսկվայի Սիմոնովսկի շրջանային դատարանը ևս միայն երկարացնել էր նրա փորձնական շրջանը` բանտարկման հարց չդնելով։
Պայմանական ժամկետի փոխարինման մասին որոշումը դեռ ուժի մեջ չի մտել. կողմերը 10 օր ունեն այն բողոքարկելու համար։
Հիշեցնենք` Նավալնուն հիվանդանոց էին տեղափոխել 2020 թվականի օգոստոսի 20-ին Օմսկում, երբ նրա ինքնազգացողությունը վատացել էր Տոմսկից Մոսկվա թռչող ինքնաթիռում։ Զննումից հետո Օմսկի հիվանդանոցի բժիշկները որպես հիմնական ախտորոշում նշել էին նյութափոխանակության խանգարումը, որն արյան մեջ շաքարի մակարդակի կտրուկ անկում էր առաջացրել։
Նավալնին օգտվում է արևմտյան հատուկ ծառայություններից․ Վոլոդինն` «ուղարկած մարդու» մասին
Ավելի ուշ ընդդիմադիր գործչին ինքնաթիռով տեղափոխեցին Գերմանիա։ ԳԴՀ կառավարությունը, հղում անելով ռազմական բժիշկներին, հայտարարեց, որ Նավալնուն թունավորել են «Նովիչոկ» թունավոր նյութերի շարքին պատկանող սուբստանցիայով։ Կրեմլում այդ կապակցությամբ հայտարարեցին, որ Բեռլինը Մոսկվային չի տեղեկացրել Նավալնու՝ «Նովիչոկով» թունավորված լինելու իր եզրակացությունների մասին, Ռուսաստանը նման տվյալներ չունի:
Մինչ այդ Նավալնու դեմ երկու պայմանական ազատազրկման դատավճիռ էր կայացվել՝ 16 մլն ռուբլի վատնելու և ավելի քան 30 մլն ռուբլի յուրացնելու գործերով:
