ԵՐԵՎԱՆ, 28 հունվարի – Sputnik. Արարատյան հայրապետական թեմի առաջնորդ Նավասարդ արքեպիսկոպոս Կճոյանը վաճառել է իր «Բենթլի» ավտոմեքենան ու գումարը բաժանել կարիքավորներին։ Այս մասին այսօր «Եռաբլուր» զինվորական պանթեոնում լրագրողներին հայտնեց Ն.Ս.Օ.Տ.Տ. Գարեգին Բ Ամենայն հայոց կաթողիկոսը`պատասխանելով բարձրաստիճան եկեղեցականների կոռումպացված լինելու հարցին։
«Յուրաքանչյուր անձի կարելի է մեղադրանք առաջադրել։ Բայց պետք է այդ մեղադրանքները փաստվեն, պետք է այդ մեղադրանքները հաստատվեն։ Այդ ժամանակ կարելի է խոսել ու մեղադրանքներ ներկայացնել ընդհուպ նաև եկեղեցուն, եկեղեցու ղեկավարությանը։ Իմ կողքին կանգնած է Նավասարդ սրբազանը։ Նա «Բենթլի» ավտոմեքենա է նվեր ստացել, որը հետագայում վաճառել է, գումարը նվիրել կարիքավորներին»,– ասաց Գարեգին Բ–ն։
Մայր աթոռն արձագանքել է Նավասարդ արքեպիսկոպոս Կճոյանի դեմ հարուցված քրեական գործին
Նա նաև լրագրողներին մեղադրեց, որ գրելով եկեղեցականների մասին` չեն գրում, որ եկեղեցականներն այսօր կարիքավորի կարգավիճակում շարունակում են իրականացնել իրենց առաքելությունն անմռունչ կերպով։
Կաթողիկոսի խոսքով` բարվոք վիճակում ապրող մեկ–երկու հոգևորական կա։
Հերթը հասավ Նավասարդ Կճոյանի՞ն. ԱԱԾ մեղադրանք է առաջադրել եկեղեցու թեմերից մեկի առաջնորդին
Հիշեցնենք` 2011 թվականին լրատվամիջոցներում տեղեկություն տարածվեց, թե Կճոյանը շրջում է «Բենթլիով», որի շուկայական միջին գինն այն ժամանակ տատանվում էր 180-200 հազար դոլարի սահմանում: Կճոյանը ԶԼՄ–ներից մեկին ասել էր, թե «Բենթլին» նվեր է ստացել իր սանիկից։ Ավելի ուշ հայտնի դարձավ, որ նա վաճառել է թանկարժեք ավտոմեքենան։
Նավասարդ արքեպիսկոպոս Կճոյանն իրեն առաջադրված մեղադրանքը չի ընդունում. փաստաբան
