ԵՐԵՎԱՆ, 23 դեկտեմբերի – Sputnik. Հայտնի ռուսաստանցի դիմահարդար Գոհար Ավետիսյանը վիրահատությունից հետո ցուցադրել է իր հիասքանչ կազմվածքը։ Հիմա նա «մտնում» է իր հին զգեստների մեջ։ Գոհարը համապատասխան փոքրիկ տեսանյութ է հրապարակել Instagram-ի իր էջում։
«Բոլոր այս զգեստները շատ մեծ են (5– 9 տարի) ու բոլորը փոշոտվում էին ծնողներիս տան վերնահարկում», - գրել է Ավետիսյանը։
Բաժանորդները հավանել են Ավետիսյանի կերպարները, նրանք բազմաթիվ հաճոյախոսություններ են գրել։
View this post on Instagram
««LV գոտիով սև զգեստով պարզապես ատոմային զենք ես։ Ե՛վ կազմվածքը, և՛ զգեստը», «Ինչ գեղեցիկ ես, Գոհար», «Տիկնիկ»», - գրել են բաժանորդները։
Վերջերս՝ դեկտեմբերի կեսերին, Ավետիսյանը նիհարելու ծայրահեղ միջոցի է դիմել։ Նա վիրահատություն է արել ու խոստովանել է, որ ամբողջ գիտակից կյանքի ընթացքում սպասել է դրան։
Հիշեցնենք`ամուսնալուծությունից հետո դիմահարդարը 43 կգ-ով նիհարեց և նոր սեր գտավ։ Կարճ ժամանակ անց Գոհարն ամուսնացավ ու մայրացավ, ծնվեց նրա առաջնեկը`Գասպարը։ Երեխայի ծնունդից հետո Գոհարը նկատելիորեն նիհարեց, սակայն վերջերս կրկին գիրացել էր։ Այս անգամ դիմահարդարը խնդրի լուծումը վիրահատության միջոցով գտավ։
Գոհար Ավետիսյանը արմատներով Գեղարքունիքի մարզի Մարտունի քաղաքից է, նրա ընտանիքը Մոսկվա է տեղափոխվել, երբ աղջիկն ընդամենը մեկ տարեկան է եղել։ Նա հավասարապես սիրում է թե՛ Ռուսաստանը, թե՛ Հայաստանը։ Գոհարը դիմահարդարման իր վարպետությամբ բառացիորեն գրավել է Մոսկվան։ Կոսմետիկ նյութերով սկսել է աշխատել դեռ 11-12 տարեկանում։
16 տարեկանում ընդունվել է Ռուսաստանի ժողովրդական տնտեսության և պետծառայության ակադեմիայի տնտեսագիտության ֆակուլտետ։ Դեռ առաջին կուրսում սկսել է շպարել բոլոր ընկերուհիներին ու ծանոթներին։ Սիրելի զբաղմունքը վերածվել է աշխատանքի, նա ստիպված է եղել թողնել ուսումը։
Եթե ինչ-որ բան ամբողջ սրտով ուզում ես, անպայման իրականանում է. Գոհար Ավետիսյան
Արդյունքում 2012թ-ին Գոհարը սկսել է դասավանդել։ Սկզբում դիմահարդարման վարպետության դասընթացներ էր անցկացնում, իսկ հիմա արդեն սեփական դպրոցն ու ստուդիան ունի Մոսկվայի կենտրոնում։
