ԵՐԵՎԱՆ, 20 հունվարի - Sputnik. Կառավարությունը բոլոր անհրաժեշտ իրավական գործընթացներն օգտագործում է ՀՀ քաղաքացիների շահերը լավագույնս ներկայացնելու համար։ Ազգային ժողովում կառավարության անդամների հետ հարցուպատասխանի ժամանակ այս մասին ասաց ՀՀ արդարադատության նախարար Ռուստամ Բադասյանը։
«Անընդհատ լինում են քննարկումներ, և կա միտում ամեն կերպ նվազեցնելու կառավարության և դրա ստորաբաժանումների դերակատարումը։ Բացի այդ, անընդհատ քարոզչություն է գնում, որ կառավարությունը մատնված է անգործության»,– ասաց Բադասյանը։
ԼՀԿ–ական պատգամավոր Տարոն Սիմոնյանն էլ նշեց, թե Ադրբեջանում քաղաքականություն են վարում, ըստ որի` յուրաքանչյուր հայ թշնամի է, և նման պայմաններում մեր կողմից բարեկամանական հարաբերություններ սկսելը ճիշտ չէ։
«Իմ հորդոր–պահանջն այն է, որ ձեր կառավարության ներկայացուցիչներին ասեք` իրենց բառապաշարում ճիշտ բառեր և մտքեր ասեն։ Ավելին, տարիներ առաջ ԱԳՆ–ին հանձնել են արտաքին քաղաքականության մեջ իրավական ճիշտ բառապաշար օգտագործելու փաստաթուղթ, կխնդրեի` դա օգտագործեն կառավարության անդամները, որպեսզի իմանան` երբ ինչ են ասում»,–ասաց Սիմոնյանը։
Ի պատասխան Բադասյանը նշեց, որ իշխանությունը մի շարք քայլեր է իրականացնում ի պատասխան Ադրբեջանի։ Նա հայտնեց, որ կարող են փորձել, օրինակ, Ադրբեջանին պատասխանատվության ենթարկել ահաբեչության ֆինանսավորման համար։
Նա հավելեց նաև, որ Հայաստանի ԿԲ–ն է իրավասու մարմինը, և համապատասխան միջոցառումներ իրականացվել են։
Անընդունելի է Ադրբեջանի կողմից հայտնի դրոշմանիշի հրապարակումը. Նիկոլ Փաշինյան
