ԵՐԵՎԱՆ, 19 հունվարի - Sputnik. Շատերը կարծում են, որ յուրաքանչյուր սննդակարգի հաջողությունը կախված է կամքի ուժից ու մեծ մոտիվացիայից, սակայն իրականում կան գործոններ, որոնք կարող են օգնել հրաշալի կերպարանափոխությանը։ Դրանցից են՝ մարդու տարիքը, նյութափոխանակության արագությունը, գենետիկ հակվածությունը և այլն։
Յուրաքանչյուր մարդ ունի կոնկրետ իր համար արդյունավետ սննդակարգ․ ոմանց համար բավական է հրաժարվել շաքարից, ոմանք պետք է մերթընդմերթ քաղցած մնալ, իսկ ոմանց էլ բավական է միայն սպիտակուց ավելացնել սննդակարգի մեջ։ Սթենֆորդի համալսարանի մասնագետներն անցկացրել են մի հետաքրքիր ուսումնասիրություն, որը թույ է տվել նրանց ցանկացած դիետա հաջողությամբ ավարտելու ունիվերսալ կանոնների ցանկ կազմել։
Sputnik-ը ներկայացնում է արդյունավետության երեք բաղադրատոմս։
«Սնուցող» ընտրություն
Ցանկացած դիետայի կարելի է «խաբել»՝ բալանսավորված ճաշացանկ ավելացնելով։ Ընտրեք բնական ու սննդարար մթերք․ ձուկ, ոչ քաղցր միրգ, բանջարեղեն ու բուսական յուղեր։ Օրինակ, սիրելի պանրի փոխարեն օգտագործեք ավոկադո, քանի որ դրա մեջ ավելի շատ վիտամին կա։
Խուսափեք սպիտակ ալյուրից
Սպիտակ ալյուր պարունակող մթերքը կարող է հեռացնել ձեզ կշեռքի վրա ցանկալի թիվը տեսնելուց։ Շեշտը դրեք ամբողջական հացահատկից պատրաստած հացի և ալյուրային մթերքի վրա։ Իսկ այլ «խմորեղեն» պատրաստելիս օգտագործեք բրնձի կամ վարսակի ալյուր։
Բանջարեղենային հիմք
Բանջարեղենի մեջ նվազագույն քանակությամբ կալորիաներ ու առավելագույն քանակությամբ սնուցող նյութեր կան, կան նաև տարատեսակ վիտամիններ։ Այս ամենը թույլ կտա ձեզ երկար ժամանակ կուշտ մնալ ու խուսափել վնասակար սնունդ ուտելուց։
