ԵՐԵՎԱՆ, 16 հունվարի - Sputnik. Որ պահից մենք համակերպվենք մեր կորստի հետ, այս ծնկի եկած վիճակն ընդունենք, այդ պահից մենք որպես պետություն, որպես ժողովուրդ դատապարտված ենք ոչնչացման։ Վանաձորում Հայրենիքի փրկության շարժման անդամների և քաղաքացիների հանդիպման ժամանակ հայտարարեց ՀՅԴ ԳՄ ներկայացուցիչ Իշխան Սաղաթելյանը։ Նրա խոսքն ընդմիջվեց ծափահարություններով։
Սաղաթելյանը վստահ է՝ օրակարգից չպետք է դուրս գա նաև Հայոց ցեղասպանության ճանաչման պահանջը։
«Էսօրվա քաղաքական իշխանությունը մեր հայրենիքի մի մասը հանձնելուց հետո արդեն ամենաբարձր մակարդակով հասարակական տրամադրություններ է ստեղծում, փորձում մեր հասարակությանը տրամադրել թուրքերի հետ «սիլի-բիլի», բարեկամություն անելու»,- նշեց Սաղաթելյանն ու շեշտեց՝ սա պետք է մերժել։
ՀՅԴ անդամը հավատում է՝ գալու է մեր կորցրածը վերադարձնելու ժամանակը։
Հիշեցնենք, որ Վանաձորում Հայրենիքի փրկության շարժման անդամների և քաղաքացիների հանդիպմանն է նաև վարչապետի միասնական թեկնածու Վազգեն Մանուկյանը։
Երեկ շարժման անդամները հանդիպում էին ունեցել Գյումրիի բնակիչների հետ։
Հավելենք, որ Հայրենիքի փրկության շարժումը պահանջում է վարչապետ Փաշինյանի հրաժարականը։
Պարտության վրա ավելի շատ մարդ կորցրեցինք, քան հաղթանակի. Վազգեն Մանուկյան
