ԵՐԵՎԱՆ, 15 հունվարի – Sputnik. «Սուրբ Գրիգոր Լուսավորիչ» բժշկական կենտրոնում վերակենդանացման նոր բաժանմունք է բացվել` 40 մահճակալով։ Տեղեկությունը հայտնում է ՀՀ առողջապահության նախարարությունը` հավելելով, որ նախարար Արսեն Թորոսյանը մասնակցել է բաժանմունքի բացման արարողությանը։
![Վերակենդանացման ամենամեծ բաժանմունքը ՀՀ–ում. Թորոսյանն այցելել է «Սբ Գրիգոր Լուսավորիչ» ԲԿ Վերակենդանացման ամենամեծ բաժանմունքը ՀՀ–ում. Թորոսյանն այցելել է «Սբ Գրիգոր Լուսավորիչ» ԲԿ - Sputnik Արմենիա](https://cdn.am.sputniknews.ru/img/07e5/01/0f/26108993_0:0:1200:800_600x0_80_0_0_dd04ba66828955aa77e0d1bb3204b135.jpg)
Ընդհանուր առմամբ ԲԿ–ի վերակենդանացման բաժանմունքում արդեն իսկ 120 մահճակալ կա։ Փաստացի, սա ամենամեծ վերակենդանացման ծառայությունն է Հայաստանում: Թորոսյանը հանդիպել է բժշկական անձնակազմին և շնորհակալություն հայտնել նրանց։
![Վերակենդանացման ամենամեծ բաժանմունքը ՀՀ–ում. Թորոսյանն այցելել է «Սբ Գրիգոր Լուսավորիչ» ԲԿ Վերակենդանացման ամենամեծ բաժանմունքը ՀՀ–ում. Թորոսյանն այցելել է «Սբ Գրիգոր Լուսավորիչ» ԲԿ - Sputnik Արմենիա](https://cdn.am.sputniknews.ru/img/07e5/01/0f/26108916_0:0:1200:800_600x0_80_0_0_a9d374676df7db44e786de771e8ca19a.jpg)
«Ուզում եմ վստահ լինեք, որ «Սուրբ Գրիգոր Լուսավորիչ» բժշկական կենտրոնը մշտապես առողջապահության նախարարության ուշադրության կենտրոնում է: Վստահ եմ, որ այն դրական համբավը, որ ձեռք եք բերել այս ժամանակաշրջանում, նույն կերպ կշարունակվի կորոնավիրուսային հիվանդությունը հաղթահարելուց հետո»,-ասել է նախարարը:
Թորոսյանն ընդգծել է, որ բժշկական կենտրոնը պետական բազմապրոֆիլ եզակի կառույցներից է, որն ունի այնպիսի ծառայություններ, ինչպիսիք են երրորդ մակարդակի ծննդօգնությունը, պոլիկլինիկական ծառայությունը, հեմոդիալիզի բաժանմունքը և այլն:
Այս ընթացքում ներդրվել են նաև նոր ծառայություններ, օրինակ` արյան բանկի ծառայությունը, նախորդ տարի հագեցվել է ԲԿ–ի լաբորատորիան անհրաժեշտ սարքավորումներով` պոլիմերազային շղթայական ռեակցիայի (ՊՇՌ) հետազոտություններ իրականացնելու համար:
Վիրավոր զինծառայողների բուժման համար նոր վերականգնողական կենտրոն է անհրաժեշտ. Թորոսյան