Լրագրող Վլադիմիր Լինդերմանը համագործակցում է Baltnews.lv-ի ու Sputnik Լատվիայի հետ։ 2020 թվականի դեկտեմբերի 3-ին լատվիացի ուժայինները ձերբակալել են նրան ու ռուսալեզու մի քանի լրագրողի, նաև խուզարկումներ են անցկացվել։ Հատուկ ծառայությունները նշում են, որ թղթակիցները խախտել են ԵՄ-ի պատժամիջոցային ռեժիմը։
Լինդերմանը նշել է, որ խուզարկությունը մոտ 4 ժամ է տևել, ուժայիններին հետաքրքրում էին տեղեկության էլեկտրոնային կրիչները, նաև «Ռոսիա սեգոդնյա» ՄՏԳ-ի հետ համագործակցությունը հաստատող փաստաթղթերը։ Այնուամենայնիվ, Լինդերմանը իշխանության այդ գործողություններում դրական բան էլ է տեսնում։
«Դա միայն առիթ է ցույց տալու, որ մենք չեն կոտրվել ու չենք պատրաստվում հեռանալ այդ անհեթեթ մեղադրանքների պատճառով։ Հիմա պետք է ավելի ուժեղացնել համագործակցությունը», - ասել է նա։
Լինդերմանը վստահ է, որ խուզակումների ու ձերբակալումների գլխավոր նպատակը ռուսական պարբերականների հետ համագործակցող լրագրողներին վախեցնելն է, «Ռոսիա սեգոդնյա» ՄՏԳ-ին Մերձբալթիայում աշխատող թղթակիցներից զրկելն է, ինչն արդյունքում կհանգեցնի այդ տարածաշրջանում ռուսական լրատվամիջոցների ազդեցության նվազեցմանը։
Ավելին, Լինդերմանի կարծիքով` Լատվիայի իշխանությունը փորձում է քրեականացնել Ռուսաստանի հետ ցանկացած շփումը։
Ավելի վաղ ՌԴ ԱԳՆ-ն հայտարարել է, որ արտասահմանում ռուսական ԶԼՄ-ների վրա ճնշում գործադրելն անթույլատրելի է։ 2020 թվականի դեկտեմբերի 3-ին Լատվիայի Ազգային անվտանգության ծառայությունը ձերբակալել էր Sputnik Լատվիա ու Baltnews տեղեկատվական հարթակների յոթ աշխատակցի։ ՌԴ ԱԳՆ-ն այդ փաստը որակավորում է որպես ժողովրդավարական հասարակության հիմքի՝ ԶԼՄ-ների ազատության ու այլ կարծիքը հայտնելու խախտման աղաղակող օրինակ։
