ԵՐԵՎԱՆ, 8 հունվարի - Sputnik. Թուրքիան ավիաբազաներ Է ստեղծում ադրբեջանական երեք քաղաքում՝ Գյանջայում, Լենքորանում ու Գաբալայում։ Տեղեկությունը հայտնում են թուրքական լրատվամիջոցները։
Նշվում է, որ Ադրբեջանը, ինչպես Սիրիան, Կատարը, Իրաքը, Սուդանն ու Հյուսիսային Կիպրոսը, կարող է դառնալ այն երկրներից մեկը, որտեղ Թուրքիայի ռազմակայաններ կտեղակայվեն:
Թուրքիայում համաշխարհային պատերազմ է «եփվում»․ Վասերմանը կոչ է արել պատրաստվել վատագույնին
Ավելի վաղ Ադրբեջանի նախագահ Իլհամ Ալիևը Թուրքիայի պաշտպանության նախարար Հուլուսի Աքարի հետ հանդիպման ժամանակ հայտարարել էր, որ թուրքական ընկերությունները սկսել են ենթակառուցվածքային նախագծեր իրականացնել Ղարաբաղում: Նա տեղեկացրել էր, որ վերականգնողական աշխատանքներն արդեն սկսվել են, ստորագրվել են առաջին պայմանագրերը։
Ինչ գին ենք վճարելու Ադրբեջանը Թուրքիային կապող Նախիջևանի միջանցքի դիմաց
Թուրքիայի և Ադրբեջանի գործակցության մասին խոսվում էր նաև արցախյան պատերազմի օրերին։ Այդ ժամանակահատվածում բազմաթիվ անգամ նշվեց, որ Թուրքիան ահաբեկիչներ է հավաքագրում Սիրիայում և նրանց տեղափոխում Ադրբեջան` հայկական ուժերի դեմ կռվելու։
