ԵՐԵՎԱՆ, 7 հունվարի - Sputnik. Ճանապարհային ոստիկանությունը շարունակում է ուժեղացված ծառայությունը։ Թույլատրելիից ավելի ոգելից խմիչք օգտագործելու դեպքում ավտոմեքենայի ղեկին նստելը չի ներվում նաև տոնական օրերին։
Ոստիկանության մամուլի ծառայությունը տեղեկացնում է, որ երեկ՝ 1 օրվա ընթացքում, ՃՈ աշխատակիցները երեք տասնյակ ոչ սթափ վարորդների են հայտնաբերել։
«Հունվարի 6-ին հանրապետությունում հայտնաբերվել է 30 ոչ սթափ վարորդ: Տվյալ վարորդների նկատմամբ կազմվել են արձանագրություններ, իսկ տրանսպորտային միջոցները՝ տեղափոխվել Ճանապարհային ոստիկանության պահպանվող հատուկ տարածքներ»,- նշված է հաղորդագրության մեջ։
Ոստիկանությունը կրկին հորդորում է վարորդներին խստագույնս պահպանել ճանապարհային երթևեկության անվտանգության կանոնները։
