ԵՐԵՎԱՆ, 6 հունվարի - Sputnik. Ստեփանակերտի Սուրբ Աստվածամոր Հովանու մայր տաճարում Տեր Հիսուս Քրիստոսի Սուրբ Ծննդյան և Աստվածհայտնության տոնի առիթով Հայ առաքելական եկեղեցու Արցախի թեմի առաջնորդ գերաշնորհ Տ. Պարգև արքեպիսկոպոս Մարտիրոսյանի կողմից մատուցվել է սուրբ պատարագ: Այս մասին տեղեկանում ենք Պարգև սրբազանի Facebook-ի էջից։
![Ստեփանակերտի Սուրբ Աստվածամոր Հովանու մայր տաճարում Պարգև սրբազանը պատարագ է մատուցել Ստեփանակերտի Սուրբ Աստվածամոր Հովանու մայր տաճարում Պարգև սրբազանը պատարագ է մատուցել - Sputnik Արմենիա](https://cdn.am.sputniknews.ru/img/07e5/01/06/26012220_0:0:1440:960_600x0_80_0_0_f8043881634356e5998ca1ed40bc94d2.jpg)
«Քրիստոս Ծնավ և Հայտնեցավ: Օրհնյալ է Ծնունդը Քրիստոսի: Ձեզ և Մեզ Մեծ Ավետիս»,–հրապարակված լուսանկարներին կից գրել է սրբազանը:
Հիշեցնենք, որ Պարգև սրբազանը դեկտեմբերին է վերադարձել ԱՄՆ-ից, որտեղ մեկնել էր վիրահատության նպատակով։
Հավելենք, որ Երևանի Սուրբ Գրիգոր Լուսավորիչ եկեղեցում այսօր սուրբ պատարագ մատուցվեց Հիսուս Քրիստոսի Սուրբ ծննդյան և Աստվածահայտնության տոնի առիթով։
![Ստեփանակերտի Սուրբ Աստվածամոր Հովանու մայր տաճարում Պարգև սրբազանը պատարագ է մատուցել Ստեփանակերտի Սուրբ Աստվածամոր Հովանու մայր տաճարում Պարգև սրբազանը պատարագ է մատուցել - Sputnik Արմենիա](https://cdn.am.sputniknews.ru/img/07e5/01/06/26012214_0:0:1180:1251_600x0_80_0_0_88b45df0888a591673faf4d5f9d69753.jpg)
Վաղ առավոտից եկեղեցու մոտ մի խումբ քաղաքացիներ «Չենք թույլատրելու դավաճանի մուտքը սրբավայր» կարգախոսով ակցիա էին կազմակերպել: Նրանք նախապես հայտարարություն էին տարածել՝ նշելով, որ թույլ չեն տալու, որ Փաշինյանը մուտք գործի եկեղեցի:
Պարգև սրբազանը ռուս խաղաղապահների հրամանատարության հետ այցելել է Ամարասի վանք
ՀՀ վարչապետն այդպես էլ չմասնակցեց պատարագին։ Sputnik Արմենիայի հետ զրույցում նրա մամուլի քարտուղար Մանե Գևորգյանը հայտնեց, որ Հայաստանում համաճարակային իրավիճակով պայմանավորված` Փաշինյանն ինքնամեկուսացել է։