ԵՐԵՎԱՆ, 6 հունվարի – Sputnik. Եվրոպական հանձնաժողովը թույլտվություն է տվել ԵՄ տարածքում կորոնավիրուսի դեմ Moderna ընկերության պատվաստանյութն օգտագործելու համար։ Այս մասին հայտնել Է ԵՀ ղեկավար Ուրսուլա ֆոն դեր Լյայենը, փոխանցում է ՌԻԱ Նովոստին։
Ավելի վաղ դեղամիջոցների եվրոպական գործակալությունը (EMA), որը պատասխանատու է միության տարածքում կորոնավիրուսի դեմ պատվաստանյութերի օգտագործման հանձնարարականների տրամադրման համար, գիտական կոմիտեի նիստի արդյունքներով խորհուրդ է տվել օգտագործել COVID-ի դեմ թվով երկրորդ պատվաստանյութը, որն արտադրվում է ամերիկյան Moderna ընկերության կողմից:
«Մենք վավերացրել ենք ԵՄ-ում երկրորդ պատվաստանյութը, այս անգամ՝ Moderna ընկերությունից», - Twitter-ում գրել է Եվրահանձնաժողովի ղեկավարը:
Իր հերթին առողջապահության հարցերով եվրահանձնակատար Ստելլա Կիրիակիդեսը գրել է, որ պատվաստանյութի հաստատումանը պետք է հետևի նաև դրա կիրառման օպերատիվ կիրառումը:
Ռուսական «Սպուտնիկ V» պատվաստանյութն ուղարկվել է Արգենտինա. տեսանյութ
«Իսկ մինչ այդ համբերությունը, աչալրջությունն ու ինքնակարգապահությունը վճռորոշ նշանակություն ունեն միմյանց պաշտպանելու համար»,-հիշեցրել է եվրահանձնակատարը։
Moderna ընկերության հետ Եվրահանձնաժողովի պայմանագիրը կնքվել է նոյեմբերի վերջին։ Այն ենթադրում է այս պատվաստանյութի մինչև 160 մլն չափաբաժնի գնում։
Դեկտեմբերի 21-ին եվրոպական կարգավորիչը շուկա էր մտցրել Pfizer/BioNTech պատվաստանյութը։
Նշենք, որ ՀՀ առողջապահության նախարարությունը ևս խորհրդակցություններ է անցկացնում ամերիկյան Moderna-ի հետ, որի հիմնադիրը հայկական ծագումով գործարար Նուբար Աֆեյանն է։
Կորոնավիրուսի դեմ պատվաստանյութը ե՞րբ և ի՞նչ գնով կհասնի Հայաստան
