ԵՐԵՎԱՆ, 6 հունվարի – Sputnik. ԱՄՆ Ներկայացուցիչների պալատի հանրապետական անդամ Քևին Բրեյդին, որը դեկտեմբերին ստացել էր Pfizer ընկերության կորոնավիրուսի դեմ պատվաստանյութի առաջին չափաբաժինը, վարակվել է կորոնավիրուսով: Այդ մասին սենատորը հայտնել է Twitter-ի իր էջում։
Tonite the Office of House Physician informed me that I’ve tested positive for Covid 19 & am quarantined.
— Rep. Kevin Brady (@RepKevinBrady) January 6, 2021
As recommended, I received a first dose of the Pfizer vaccine Dec 18 & also recently tested negative for Covid on New Years Day.
Begin treatment tomorrow.
Shld be fine.🙏🏼
«Այսօր Ներկայացուցիչների պալատի բժիշկն ինձ հայտնեց, որ կորոնավիրուսի իմ թեստը դրական է։ Ես հետևում եմ կարանտինի սահմանափակումներին: Դեկտեմբերի 18-ին ստացել եմ Pfizer պատվաստանյութի առաջին չափաբաժինը։ Նոր տարվա առթիվ հանձնել էի COVID-ի թեստը, որի պատասխանը բացասական էր»,- գրել է ամերիկացի սենատորը։
Նա նաև տեղեկացրել է, որ բուժումը կսկսի վաղվանից։
309 նոր դեպք, 12 մահ` մեկ օրում. կորոնավիրուսային հիվանդության ընթացքը Հայաստանում
Հավելենք, որ ԱՄՆ-ում և Մեծ Բրիտանիայում բնակչությանը կորոնավիրուսի դեմ պատվաստում են Pfizer/BioNTech ընկերությունների դեղամիջոցներով:
Հիշեցնենք` Ռուսաստանն աշխարհում առաջինն է գրանցել Covid-19–ի դեմ պատվաստանյութը, որը ստեղծել են Գամալեայի կենտրոնը և Ուղիղ ներդրումների ռուսական հիմնադրամը։ Այն ստացել է «Սպուտնիկ V» անվանումը։
