«Տղաները խոստացել են արագ ապաքինվել». վիրավոր զինծառայողների Ամանորը. լուսանկարներ

ԵՐԵՎԱՆ, 1 հունվարի – Sputnik. Պատերազմի ժամանակ վիրավորում ստացած զինվորներից որոշներն Ամանորն անցկացրել են «Հայրենիքի պաշտպանի վերականգնողական կենտրոնում»։

Երևանի պետական բժշկական համալսարանի ռեկտոր Արմեն Մուրադյանը ֆեյսբուքյան իր էջում լուսանկարներ է հրապարակել` հայտնելով այդ մասին։

«Զինվորի տնից շնորհավորանքներ բոլորիդ... Տղաները խոստացան` ապաքինվել արագ»,–լուսանկարներին կից գրել է Մուրադյանը։

Լուսանկարներում երևում է, թե ինչպես են տղաները պատրաստվում Ամանորին` անձեռոցիկները ծալելով։ Տղաները բարձր տրամադրություն ունեն, ինչը երևում է լուսանկարներից։