ԵՐԵՎԱՆ, 30 դեկտեմբերի - Sputnik. Ռուսաստանի Դաշնության նախագահ Վլադիմիր Պուտինը հուսով է, որ այն դժվարությունները և անհանգստությունները, որոնք բերեց ավարտվող տարին, կմնան անցյալում: Նա այս մասին նշել է Ամանորի և Սուրբ ծննդի տոների առթիվ ՀՀ նախագահ Արմեն Սարգսյանին ուղղված շնորհավորական ուղերձում։ Տեղեկությունը հայտնում է ՀՀ նախագահի մամուլի ծառայությունը։
«Ցանկանում եմ վերահաստատել ռուս-հայկական դաշնակցային փոխգործակցության հետագա զարգացման վերաբերյալ տրամադրվածությունը՝ ի բարօրություն մեր երկու եղբայրական ժողովուրդների, ի շահ անդրկովկասյան տարածաշրջանում խաղաղության և անվտանգության ամրապնդման: Մաղթում եմ Ձեզ և Ձեր հարազատներին ու մերձավորներին քաջառողջություն, երջանկություն և հաջողություններ, իսկ Հայաստանի բոլոր քաղաքացիներին՝ խաղաղություն և բարգավաճում»,- ասված է ՌԴ նախագահի շնորհավորական ուղերձում:
Նշվում է, որ Ռուսաստանի նախագահի անունից ՀՀ նախագահ Արմեն Սարգսյանին է հանձնվել Խորհրդային Միության հերոս Գևորգ Վարդանյանին նվիրված նամականիշների հուշանվերային հավաքածու:
«Ընդունեք անկեղծ շնորհավորանքներս». Պուտինն ուղերձ է հղել Փաշինյանին
Հիշեցնենք, որ ՌԴ նախագահ Վլադիմիր Պուտինն ամանօրյա շնորհավորական ուղերձ է հղել նաև վարչապետ Նիկոլ Փաշինյանին և ՀՀ երկրորդ նախագահ Արմեն Սարգսյանին։
Հայաստանում գտնվող արցախցի աշակերտներին ամանորյա նվերներ կբաժանվեն
