ԵՐԵՎԱՆ, 28 դեկտեմբերի – Sputnik. Խորհրդարանն առաջին ընթերցմամբ ընդունեց արտահերթ նիստում քննարկված մի շարք օրինագծեր, այդ թվում նաև «Պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին» Հայաստանի Հանրապետության օրենքում լրացումներ և փոփոխություններ կատարելու մասին օրենքի փոփոխությունների նախագիծը։ Դրանով նախատեսվում է այսօր աշխատավարձերից գանձվող 1000 դրամ հարկը 100 000 դրամ և ավելի աշխատավարձ ստացողների համար սահմանել 2000-15000 դրամ՝ ըստ աշխատավարձի չափի համամասնության:
Մեկ այլ՝ Հայաստանի Հանրապետության քաղաքացիական օրենսգրքում լրացում և փոփոխություն կատարելու մասին օրենքի նախագծով առաջարկվում է անհետ կորած համարվող քաղաքացիների հարազատներին վճարել օրենքով նախատեսված փոխհատուցումը՝ չսպասելով այդ կարգավիճակի որոշման դատական պրոցեսի ավարտին:
ԱԺ–ն առաջին ընթերցմամբ հավանության արժանացրեց նաև ծխախոտի վաճառքի որոշ սահմանափակումներ մինչև 2022թ.-ի հունվարի 1-ը հետաձգելու, ինչպես նաև կարմիր գծերի չեղարկում նախատեսող օրինագծերը:
ծՆիստը փակ կլինի. Մարուքյանն «Իմ քայլին» մեղադրում է քվեարկության արդյունքները կեղծելու մեջ
Իսկ ահա պետական տուրքի մասին օրենքում կառավարության առաջարկած փոփոխությունը, որը վերաբերում էր ցեմենտի տեղական արտադրողներին պետական աջակցություն տրամադրելուն, խորհրդարանը 34 կողմ, 11 դեմ ձայներով մերժեց:
Հաստատված նախագծերի երկրորդ ընթերցմամբ քննարկումն ու քվեարկությունն ԱԺ-ն կիրականացնի վաղը՝ դեկտեմբերի 29-ին:
