Մանրածախ վաճառքում 2021 թ. հունվարի 1-ից այլևս չեն ցուցադրվի ծխախոտի տուփեր։ Այս մասին Sputnik Արմենիայի հետ զրույցում նշեց ՀՀ ԱՆ Առողջապահության ազգային ինստիտուտի տնօրեն Ալեքսանդր Բազարչյանը` մեկնաբանելով հայտնի «Ծխելու դեմ օրենքի» սահմանափակումները (օրենքի լրիվ անվանումը` «Ծխախոտային արտադրատեսակների և դրանց փոխարինիչների օգտագործման հետևանքով առողջությանը հասցվող վնասի նվազեցման և կանխարգելման մասին»)։
Ծխախոտները ծածկված կլինեն շերտավարագույրով, և վաճառողն այն կբացի միայն չափահաս գնորդի խնդրանքով։
«Հիմա ծխախոտների տուփերը տեղադրված են ամենատեսանելի վայրում` դրամարկղի մոտ, կոնֆետների ու ծամոնների կողքին, երեխաների աչքի առաջ։ Հունվարի 1-ից այդպես չի լինի», – ընդգծեց Բազարչյանը։
Այս տարվա ընթացքում կրպակների վրայից արդեն իսկ հանվել են ծխախոտի տուփերի գովազդային վահանակները։
Մեկ այլ կարևոր փաստ` օրենքի այս և մյուս բոլոր պահանջները հավասարապես կվերաբերվեն թե՛ ավանդական, և թե՛ նոր ծխախոտային արտադրատեսակներին, ներառյալ էլեկտրոնային սիգարետները։
Միայն գլանակ ծխելը չէ, որ կարգելվի. հակածխախոտային արշավը թափ է հավաքում
Ինչ վերաբերում է հանրային սննդի կետերում ծխելու արգելքին, ապա այն ուժի մեջ կմտնի 2022 թվականի մարտից։ Ընդ որում` այստեղ չի թույլատրվի ծխել նույնիսկ առանձնացված սենյակներում։
Իրականությունը ցույց է տալիս, որ անգամ եթե սրահները լինեն տարբեր, սա ևս չի օգնում պասիվ ծխողներին, որովհետև նրանց ընկերներն ու բարեկամները ստիպված նրանց հետ են նստում «ծխող կուպեում»։
Ստիպված կլինեն թողնել ծխելը. ինչպե՞ս նոր նախարարը կպայքարի այդ վնասակար սովորության դեմ
