ԵՐԵՎԱՆ, 27 դեկտեմբերի - Sputnik. «WarGonzo» նախագծի հեղինակ Սեմյոն Պեգովը Telegram-ի իր ալիքում լուսանկար է հրապարակել հայկական հարսանիքից։
Նշվում է, որ Մարտակերտից Իրինա Գաբրիելյանը և Ստեփանակերտից Արամ Վերդյանը պսակադրվել են Դադիվանքում այսօր:
«Նրանք շնորհակալություն են հայտնել խաղաղապահներին վանքը պաշտպանելու համար և ուրախ են, որ տեղի ունեցածից հետո անգամ նրանք հնարավորություն ունեն պսակադրվելու այդ սուրբ վայրում»,–գրել է Պեգովը:
Դադիվանքի հոգևորականներին ու խաղաղապահներին նվերներ կուղարկեն Մոսկվայից
Պեգովը նաև հայտնում է, որ Դադիվանք է եկել Պարգև սրբազանը։ Հենց նա է պսակադրել զույգին։
Սրբազանը ռուս խաղաղապահներին է փոխանցել ամանորյա նվերներ՝ խաչեր։ Նա նաև խաղաղապահներին է հանձնել արցախցի երեխաների ռուսերեն նամակները:
Հիշեցնենք, որ պատերազմի օրերին` հոկտեմբերի 24–ին, Ադրբեջանի հրթիռակոծության հետևանքով վնասված Սուրբ Ղազանչեցոց եկեղեցում նույնպես պսակադրության արարողություն էր իրականացվել։ Փեսան զինվորական հագուստով էր, իսկ հարսը` ազգային տարազով։
Հավելենք նաև, որ եռակողմ համաձայնագրի ստորագրումից հետո Դադիվանքը պաշտպանում են ռուս խաղաղապահները։
![Հարսանիք Դադիվանքում` ռուս խաղաղապահների օժանդակությամբ Հարսանիք Դադիվանքում` ռուս խաղաղապահների օժանդակությամբ - Sputnik Արմենիա](https://cdn.am.sputniknews.ru/img/07e4/0c/1b/25919396_0:0:720:960_600x0_80_0_0_dfbf2b1f1e337766e61c0f7f1e21f25d.jpg)