ԵՐԵՎԱՆ, 26 դեկտեմբերի – Sputnik. ՖԻՖԱ-ն շնորհավորել է Հայաստանի հավաքականի ավագ Հենրիխ Մխիթարյանին Հայաստանի լավագույն ֆուտբոլիստ ճանաչվելու կապակցությամբ։ Տեղեկությունը հրապարակվել է ֆուտբոլի համաշխարհային կազմակերպության Twitter-յան էջում;
«31 տարեկանում տասներորդ անգամ ճանաչվել սեփական երկրի լավագույն ֆուտբոլիստը։ Միայն կոմիքսներում այսպիսի բան կտեսնես։ Շնորհավորում ենք Հենրիխ Մխիթարյանին Հայաստանի լավագույն ֆուտբոլիստ ճանաչվելու կապակցությամբ», - նշված է գրառման մեջ։
🗞️ Being named your country's footballer of the year 10 times is something you'd see in a comic book... and now on @HenrikhMkh's resume at the age of only 31 😲
— FIFA.com (@FIFAcom) December 25, 2020
🏆 Congratulations to the @ASRomaEN playmaker on yet another Armenian Player of the Year award 🇦🇲 pic.twitter.com/ASSiOuCQxI
Հիշեցնենք` երեկ հայտնի դարձավ, որ նա 10-րդ անգամ արժանացել է «Հայաստանի լավագույն ֆուտբոլիստ» կոչմանը։
