ԵՐԵՎԱՆ, 24 դեկտեմբերի – Sputnik. ԱՀ տարածքային կառավարման և ենթակառուցվածքների նախարարությունը տեղեկացնում է, որ Բերձոր, Աղավնո, Ներքին Սուս, Կալեր համայնքների բնակիչները չեն օգտվելու կորցված տարածքներում հաշվառված քաղաքացիներին տրվող միանվագ դրամական օգնության ծրագրից։
«Հարգելի բնակիչներ, դուք չեք օգտվելու աջակցության ծրագրից, քանի որ վերոնշյալ տարածքները չեն անցել Ադրբեջանի վերահսկողության տակ։ Սակայն այլ ծրագրով դուք ստանալու եք նույնչափ դրամական աջակցություն` 300 000 դրամ»,–նշված է հաղորդագրության մեջ։
Աջակցման այս ծրագիրն վերջնական ճշտման փուլում է: Առաջիկա օրերին կտեղեկացնեն ծրագրից օգտվելու կարգի մասին:
Հիշեցնենք, որ նոյեմբերի 21-ին կառավարության որոշմամբ հասատտվել էր Արցախում հաշվառված քաղաքացիներին աջակցության միջոցառումը։
Ադրբեջանցիները պարում են, բայց ոչ Սևանի մոտ. Գեղարքունիքի մարզպետի հերքումը
Դրա նպատակն է սոցիալական աջակցություն տրամադրել պատերազմի հետևանքով տեղահանված և փաստացի ՀՀ-ում կամ Արցախում գտնվող Արցախի քաղաքացիներին, որոնք ունեն Արցախի համայնքի հաշվառում և մինչև 2020 թվականի սեպտեմբերի 27-ը առնվազն վերջին 3 ամիսը փաստացի բնակվել են այն տարածքում, որն անցել է Ադրբեջանի վերահսկողության ներքո։ Սոցիալական աջակցությունը տրամադրվում է միանվագ դրամական օգնության ձևով՝ յուրաքանչյուր շահառուի համար 300 000 դրամ։
