ԵՐԵՎԱՆ, 23 դեկտեմբերի – Sputnik. Արտակարգ իրավիճակների նախարարությունը տեղեկացնում է, որ Շիրակի, Սյունիքի մարզերում, Վայոց Ձորի մարզի Ջերմուկի տարածաշրջանում, Կոտայքի մարզի Հրազդանի տարածաշրջանում, Արագածոտնի մարզի Արագածի և Ապարանի տարածաշրջաններում, Արմավիրի մարզի Արմավիրի և Բաղրամյանի տարածաշրջաններում ու Լոռու մարզի Սպիտակի տարածաշրջանում ձյուն է տեղում։
Արագածոտնի մարզի Աշտարակ քաղաքում մառախուղ է։
ԱԻՆ–ը հայտնում է նաև, որ ՀՀ տարածքում կան փակ ու դժվարանցանելի ճանապարհներ։ Փակ են Արագածոտնի մարզի Ամբերդ ամրոց և Քարի լիճ տանող ավտոճանապարհները, դժվարանցանելի են Սարավան-Զանգեր և Վայոց ձորի մարզի Արենի-Խաչիկ ավտոճանապարհները։
Վարդենյաց լեռնանցքը բոլոր տեսակի բեռնատարների համար փակ է, իսկ մարդատար ավտոմեքենաների համար՝ դժվարանցանելի։
Վարդենյաց լեռնանցքում, Գեղարքունիքի մարզի, Սյունիքի մարզի և Շիրակի մարզի Ախուրյանի տարածաշրջանի ավտոճանապարհներին և Արթիկ-Ալագյազ ավտոճանապարհին տեղ-տեղ մերկասառույց է։
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսեթիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տիպի տրանսպորտային միջոցների համար։
Արտակարգ իրավիճակների նախարարությունը վարորդներին խորհուրդ է տալիս երթևեկել բացառապես ձմեռային անվադողերով։
Սյունիքի ոստիկաններն ու ռուս սահմանապահները թմրաշրջանառության հերթական դեպք են բացահայտել
