ԵՐԵՎԱՆ, 23 դեկտեմբերի – Sputnik. Սյունիքի մարզի բնակիչները բազմաթիվ հարցեր ունեն գործող իշխանություններին և մասնավորապես ՀՀ վարչապետ Նիկոլ Փաշինյանին: Սակայն մարզի բնակիչների հիմնական խնդիրն անվտանգության ապահովումն է։ Այս մասին լրագրողների հետ զրույցում ասաց Գորիսի քաղաքապետ Առուշ Առուշանյանը։
«Ի՞նչ եք կարծում, ինչպե՞ս կարելի է հանգիստ երեխային փողոց թողնել՝ իմանալով, որ քեզանից մեկ մետր հեռավորության վրա թուրք է։ Ինչպե՞ս են նրանք դպրոց գնալու։ Երևանում այլ իրականություն է։ Այդ մարդկանց չի հետաքրքրում` հանձնե՞լ են, արդյոք, հողերը, ինչպե՞ս են հանձնել, ի՞նչ կլինի հետագայում», - ասաց Առուշանյանը։
Նրա խոսքով ՝ մեկ օրում 26 կմ տարածք է հանձնվել Որոտան գյուղի մոտ։ Առուշանյանը նշեց, որ Կապան քաղաքի ճանապարհին կարելի է հանդիպել ադրբեջանցիների, և հարց է` կապանցիները քաղաք կհասնեն, թե ոչ:
Առուշանյանին հետաքրքրում է, թե ինչպես է լուծվելու այդ հարցը։
«Երևի դեռ կան գոտիներ, որոնք պետք է հանձնվեն, իսկ մենք այն մարդիկ ենք, որոնք դեմ են դրան։ Ուստի, ամենայն հավանականությամբ, մեզ հրահանգում են ձերբակալել, որպեսզի լուծեն իրենց հարցերը», - ասել է Առուշանյանը։
Կապանի քաղաքապետը նշեց, որ իրեն հետապնդում են քաղաքական նկատառումներով: Առուշանյանը կուզենար իմանալ, թե երբ իշխանությունները կբացատրեն, թե ինչ մոտիվներով են իրենք տարածքները տվել և շարունակում են դա անել Արդեն Հայաստանում ։
Նրա խոսքով ՝ ինքն ու Քաջարանի քաղաքապետ Մանվել Փարամազյանը 250 հոգանոց ջոկատում հոկտեմբերի 1-ից արդեն մարտնչում էին Ջաբրայիլում։
Հիշեցենք`դեկտեմբերի 20–ին Գորիսի քաղաքապետ Առուշ Առուշանյանը գրառում էր կատարել Facebook–ի իր էջում՝ համաքաղաքացիներին կոչ անելով արգելել ՀՀ վարչապետ Նիկոլ Փաշինյանի մուտքը Սյունիք։ Դեկտեմբերի 21–ի վաղ առավոտյան Գորիսի քաղաքապետին բերման ենթարկեցին, իսկ 22–ին ազատ արձակեցին, քանի որ դատարանը նրա ձերբակալումը ոչ իրավաչափ էր համարել։
