ԵՐԵՎԱՆ, 23 դեկտեմբերի – Sputnik. ՀՀ տարածքային կառավարման և ենթակառուցվածքների նախարարությունը հերքում է լրատվամիջոցներում տարածված այն տեղեկությունը, թե երեկ Ադրբեջանի բանակը պայթեցրել է Իրան-Հայաստան գազամուղը։
«Տեղեկությունը, թե երեկ Ադրբեջանի բանակը պայթեցրել է Իրան-Հայաստան գազամուղը, չի համապատասխանում իրականությանը։ Իրան-Հայաստան գազամուղը շարունակում է ապահովել անխափան գազամատակարարումը Հայաստան»,-նշված է հաղորդագրության մեջ:
ՀՀ տարածքային կառավարման և ենթակառուցվածքների նախարարությունը լրատվամիջոցներին հորդորում է չտարածել չճշտված տեղեկություններ և ավելորդ խուճապ չառաջացնել հանրության շրջանում:
Հիշեցնենք, այսօր մի քանի լրատվամիջոցներ գրել էին, որ «պատերազմից հետո, ի պատասխան Հայաստանի իշխանությունների ադրբեջանասեր քայլերի, Ադրբեջանի բանակը երեկ պայթեցրել է Իրան-Հայաստան գազամուղը» և տեսանյութ հրապարակել։
Նշենք, որ պայթեցված գազամուղի տեսանյութը տարածվել էր հենց Ադրբեջանի բանակի կողմից։
