ԵՐԵՎԱՆ, 22 դեկտեմբերի – Sputnik. Սյունիքի մարզի Ճակատեն գյուղը չի հանձնվում Ադրբեջանին։ Տեղեկությունը Sputnik Արմենիայի թղթակցի հետ զրույցում հայտնեց Սյունիքի մարզպետ Մելիքսեթ Պողոսյանը։
Ավելի վաղ ԱԺ ԲՀԿ խմբակցության պատգամավոր Նաիրա Զոհրաբյանն ընդդիմության ակցիայի ժամանակ հայտարարել էր, որ Սյունիքի մարզի Ճակատեն համայնքից զանգեր է ստանում , որ «հենց հիմա կապի օպերատորներն անտենաները հանում են, գյուղացիներին զգուշացրել են, որ համայնքը ադրբեջանցիների տարածք է դառնալու, և պետք է հանձնեն։
«Նման բան չկա, ես հերքում եմ այդ տեղեկությունը», - ասաց Պողոսյանը:
Ավելի վաղ Sputnik Արմենիան հայտնել էր, որ ռուս սահմանապահները վերահսկելու են Կապանից հարավ ընկած ճանապարհը, նրանց դիտակետը տեղակայվում է Ճակատեն գյուղից ոչ հեռու։
Սահմանային փոթորիկ Սյունիքում․ ո՞վ պետք է պաշտպանի Հայաստանի հարավային դարպասը
Սակայն ադրբեջանցիները ցանկանում են նոր սահմանն անցկացնել Սյունիքի մարզի Ճակատեն գյուղի մոտ գտնվող հեռուստաաշտարակի միջով՝ չնայած խորհրդային ժամանակներից պահպանված սահմանային սյանը։
