ԵՐԵՎԱՆ, 20 դեկտեմբերի - Sputnik. Ռուսաստանը ևս 7 վագոն մարդասիրական օգնություն է ուղարկել Արցախին։ Տեղեկությունը հայտնում է ՌԴ ԱԻՆ-ը։
Բեռը ներառում է շինանյութեր և կենցաղային պարագաներ։ Այն արդեն բեռնատարերով տեղափոխել են Ստեփանակերտ, որտեղից կուղարկեն տարբեր համայնքներ։
«Սա մարդասիրական օգնության երկրորդ խմբաքանակն է ՌԴ ԱԻՆ կողմից։ Մինչ այս պահը Լեռնային Ղարաբաղ է ուղարկվել 54 վագոն օգնություն», - նշված է ՌԴ ԱԻՆ հաղորդագրության մեջ։
Մարդասիրական օգնության տրամադրումն իրականացվում է ՌԴ նախագահ Վլադիմիր Պուտինի և ՌԴ կառավարության որոշումների համաձայն։
Բաքուն ընդունում է գերեվարված 62 քաղաքացու փաստը. պատգամավորները հանդիպել են Մուրադովի հետ
Հիշեցնենք, որ նախորդ 54 վագոն օգնությունն Արցախ էր հասել դեկտեմբերի 12-ին, բեռը ներառում էր շինանյութեր, հրշեջ ավտոցիստեռններ, կենցաղային պարագաներ. ընդհանուր քաշը մոտ 1200 տոննա էր։
