ԵՐԵՎԱՆ, 18 դեկտեմբերի - Sputnik. Ղազախստանի նախագահ Կասիմ-Ժոմարտ Տոկաևը ողջունել է Ղարաբաղում ռազմական գործողությունների դադարեցման մասին հայտարարության ստորագրումը ՝ նշելով, որ այդ հակամարտությունը թունավորում էր ԱՊՀ-ում համագործակցության մթնոլորտը:
Տեսակոնֆերանսի ձևաչափով այսօր անցկացված ԱՊՀ պետությունների ղեկավարների խորհրդի նիստում Տոկաևը հույս է հայտնել, որ այդ «պատմական համաձայնագիրը» կնպաստի տարածաշրջանում երկարատև խաղաղության հաստատմանը:
«Ըստ էության, մարվել է հետխորհրդային տարածքում հակամարտության օջախը, որը թունավորում էր համագործակցության քաղաքական մթնոլորտը դրա ողջ գոյության ընթացքում», - նշել է Ղազախստանի ղեկավարը:
Տոկաևը համոզված է, որ Ղարաբաղի վերաբերյալ հայտարարությունը «ստեղծված կրիտիկական իրավիճակում միակ ճիշտ որոշումն է»:
Թուրքիայում հայտնված զենքն ու «հայկական» հետքը․ մեկնաբանում է Ղազախստանը
Նրա կարծիքով ՝ այս բարդ պահին առանձնահատուկ կարևորություն է ձեռք բերում ԱՊՀ համամասնակից պետությունների սերտ փոխգործակցությունը:
«Բայց գլխավորն այն է, որ մեր երկրների ժողովուրդները ցանկանում են ապրել խաղաղ մթնոլորտում ու բարեկամություն անել իրար հետ», – նշել է Տոկաևը:
