ԵՐԵՎԱՆ, 18 դեկտեմբերի - Sputnik. Բելգիայի արտգործնախարար Սոֆի Վիլմեսը հանդիպում է ունեցել հայ և ադրբեջանցի գործընկերների հետ: Նախարարն այդ մասին գրել է Twitter-ի իր էջում։
«Այս շաբաթ ես հանդիպել եմ հայ և ադրբեջանցի գործընկերների հետ, որպեսզի քննարկեմ Ղարաբաղում տիրող իրավիճակը։ Մտքերի փոխանակությունն արդյունավետ էր և անկեղծ։ Բելգիան մտահոգություն է հայտնում մի շարք հարցերի առնչությամբ, մասնավորապես՝ տեղի բնակչությանը վերաբերող», - գրել է նա։
Cette semaine, j’ai reçu mes homologues arménien et azéri pour évoquer la situation du #HautKarabakh. Ces échanges furent riches et francs. La Belgique a exprimé son inquiétude sur une série de points, en particulier vàv de la population locale. https://t.co/8rRLFXcTCz
— Sophie Wilmès (@Sophie_Wilmes) December 18, 2020
Հիշեցնենք, որ Բելգիայի խորհրդարանի ստորին պալատն այսօր Արցախի վերաբերյալ բանաձև է ընդունել, որով դատապարտում է Ադրբեջանի կողմից 2020 թ․-ի սեպտեմբերի 27-ի ռազմական գործողությունների վերսկսումը և կոչ անում Բելգիայի կառավարությանը մի շարք միջոցներ ձեռնարկել՝ ուղղված պատերազմից տուժած բնակչությանը փրկելուն, պատասխանատվության ենթարկել պատերազմական հանցագործությունների մեղավորներին, պահպանել հրադադարը և բանակցություններ վարել Լեռնային Ղարաբաղի սահմաններն ու նրա ժողովրդի ինքնորոշման իրավունքը հարգող խաղաղ համաձայնագրի շուրջ։
