ԵՐԵՎԱՆ, 17 դեկտեմբերի — Sputnik. Ֆրանսիայի նախագահ Էմանուել Մակրոնի կորոնավիրուսը թեստի պատասխանը դրական է։ Տեղեկությունը հայտնում է Ելիսեյան պալատի մամուլի ծառայությունը։
Նշվում է, որ Մակրոնն ինքնամեկուսանալու է ու անցնի հեռավար աշխատանքի։
Worldometer կայքի տվյալներով՝ այսօրվա դրությամբ աշխարհում կորոնավիրուսով վարակման հաստատված դեպքերի թիվը հասել է 74,6 միլիոնի, 1,6 միլիոն վարակակիր համավարակի զոհ են դարձել։
Կորոնավիրուսի տարածվածության մակարդակով Ֆրանսիան աշխարհում հինգերորդ տեղն է զբաղեցնում։ Երկրում վարակման ավելի քան 2,4 միլիոն հաստատված դեպք կա, մահերի թիվը գերազանցում է 59 հազարը։
Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ: Կազմակերպությունը բոլոր պետություններին կոչ է արել միավորվել վարակի դեմ պայքարում:
Պատերազմ, կորոնավիրուսի նոր ալիք ու գնաճ. ԿԲ–ն դրական զարգացումներ չի կանխատեսում