ԵՐԵՎԱՆ, 15 դեկտեմբերի – Sputnik. ՀՀ պաշտպանության նախարարությունը հաղորդագրություն է տարածել` նշելով, որ առաջիկայում հանդես կգա հայտարարությամբ։
«Հայ զինվորականների գերեվարման վերաբերյալ ադրբեջանական լրատվամիջոցներով վերջին ժամերին տարածվող տեսանյութերի առնչությամբ ՀՀ պաշտպանության նախարարությունը պարզաբանումներ է սպասում ԱՀ պաշտպանության բանակից և առաջիկայում հանդես կգա հայտարարությամբ»,– նշված է հաղորդագրության մեջ:
Նշենք, որ այսօր ադրբեջանական մեդիատիրույթում լուրեր տարածվեցին, թե ևս 100 հայ է գերեվարել, նաև տեսանյութեր հրապարակվեցին, որոնցում զինվորական հագուստով երիտասարդներ են երևում։
Հիշեցնենք` դեկտեմբերի 14-ին մեկնարկեց գերիների ու պատանդների փոխանակման գործընթացը Հայաստանի ու Ադրբեջանի միջև, որի շրջանակում Ադրբեջան վերադարձան 12, իսկ Հայաստան՝ 44 մարդ։ Նրանցից 14-ը քաղաքացիական, 30-ը՝ զինվորական անձինք են։
44 հայ գերիների ժամանումը Երևան. տեսանյութ
Կողմերի միջև պայմանավորվածություն է ձեռք բերվել փոխանակումը կատարել «բոլորը բոլորի դիմաց» սկզբունքով։
Նշենք, որ պաշտոնական տվյալներ չկան արցախյան պատերազմում հայկական կողմի անհետ կորածների, գերիների ու վիրավորների թվի մասին։
