ԵՐԵՎԱՆ, 15 դեկտեմբերի – Sputnik. Ադրբեջանից Հայաստան վերադարձված 44 գերիների նկատմամբ կատարվել են անհրաժեշտ քննչական և այլ դատավարական գործողություններ։ Տեղեկությունը հայտնում է ՀՀ քննչական կոմիտեն։
«ՔԿ ծառայողները ներկա են գտնվել դեկտեմբերի 14-ին ՀՀ տեղափոխված 44 ռազմագերիների և գերեվարված քաղաքացիական անձանց դիմավորմանը «Էրեբունի» օդանավակայանում, որից հետո վերջիններիս հարցաքննել են, նշանակվել են մի շարք փորձաքննություններ»,– նշված է հաղորդագրության մեջ:
Քննչական գործողությունները կատարվել են ՔԿ և ԱԱԾ քննիչների կողմից` Ադրբեջանի ռազմաքաղաքական ղեկավարության սանձազերծած ու վարած ագրեսիվ պատերազմի, միջազգային ահաբեկչության, մարդասիրական իրավունքի նորմերի խախտումների, վարձկանության դեպքերով հարուցված քրեական գործի նախաքննության շրջանակներում։
Հիշեցնենք` դեկտեմբերի 14-ին մեկնարկեց գերիների ու պատանդների փոխանակման գործընթացը Հայաստանի ու Ադրբեջանի միջև, որի շրջանակում Ադրբեջան վերադարձան 12, իսկ Հայաստան՝ 44 մարդ։ Նրանցից 14-ը քաղաքացիական, 30-ը՝ զինվորական անձինք են։
Կողմերի միջև պայմանավորվածություն է ձեռք բերվել փոխանակումը կատարել «բոլորը բոլորի դիմաց» սկզբունքով։
Փաշինյանը հանդիպել է դեռևս Ադրբեջանում մնացած գերիների հարազատներին. խոսնակ
ՀՀ փոխվարչապետ Տիգրան Ավինյանը հայտնեց, որ այս փուլում վերադարձվում են այն հայ գերիները, որոնց գերեվարված լինելու փաստը հաստատված է Ադրբեջանի և Կարմիր խաչի կողմից։
Վերադարձած 44 գերիներից 26-ի մասով ՀՀ կառավարությունը դիմել էր ՄԻԵԴ. Եղիշե Կիրակոսյան
Արցախյան պատերազմում հայկական կողմի անհետ կորածների, գերիների ու վիրավորների թվի մասին պաշտոնական տվյալներ չկան։
Դեռ առկա են անհետ կորած բազմաթիվ ռազմագերիներ ու տասնյակ քաղաքացիական անձինք. Արցախի ՄԻՊ
