ԵՐԵՎԱՆ, 15 դեկտեմբերի - Sputnik. Օրերս Ազգային ժողովի պատգամավորի մանդատը վայր դրած իմքայլական Արամ Խաչատրյանը Sputnik Արմենիայի հետ զրույցում չբացառեց, որ իրեն կարող են Լոռու մարզպետ նշանակել։
«Ես մանդատս վայր եմ դրել, որ փոխադրվեմ գործադիր։ Բայց կոնկրետ որտեղ, չեմ կարող դեռ ասել, «Քաղաքացիական պայմանագիր» կուսակցությունում այժմ քննարկումներ են գնում», – ասել է Խաչատրյանը։
Նրա խոսքով` մոտ օրերս պարզ կլինի, թե ինչ պաշտոնի կնշանակվի։ Նա հրաժարվեց պատասխանել` արդյոք արդեն նրան առաջարկվել է Լոռու մարզպետի աշխատանքը։
Հիշեցնենք, որ 2018-ի հոկտեմբերին Լոռու մարզպետի պաշտոնում նշանակված Անդրեյ Ղուկասյանն այսօր հայտարարեց իր հրաժարականի մասին։ ԶԼՄ–ներում տարածվեցին լուրեր, որ նրան այդ պաշտոնում փոխարինելու է օրերս Ազգային ժողովի պատգամավորի մանդատը վայր դրած Արամ Խաչատրյանը։ Նա 2018-ին Լոռու մարզպետի տեղակալ է աշխատել։
