ԵՐԵՎԱՆ, 14 դեկտեմբերի — Sputnik. ԱՄՆ-ում Ռուսաստանի դեսպանատունը անհիմն է համարում ամերիկյան պետական իշխանության մարմինների վրա գործած հաքերական հարձակումների մեջ Մոսկվային մեղադրելու` ամերիկյան ԶԼՄ-ների փորձերը։ Տեղեկությունը հայտնում է ՌԻԱ Նովոստին։
Ավելի վաղ Reuters գործակալությունը, հղում անելով իր աղբյուրներին, հայտնել էր, որ օտար պետության կողմից աջակցություն ստացող հաքերների մի խումբ կարողացել է մուտք գործել ԱՄՆ ֆինանսների նախարարության ու Հեռահաղորդակցման ազգային կառավարման համակարգեր։ Հարձակման ծավալն այնքան մեծ է, որ աղբյուրների մեկի խոսքով՝ ԱՄՆ Ազգային անվտանգության խորհրդի նիստ է գումարվել։ Washington Post-ը գրել էր, որ դրա մեջ մեղադրում էին ռուս հաքերների, ոչ մի ապացույց չէր ներկայացվում։
«Պատասխանատու կերպով հայտարարում ենք` տեղեկատվական ոլորտում հարձակումները հակասում են մեր երկրի արտաքին քաղաքականության սկզբունքներին, դրա ազգային շահերին ու պետությունների միջև հարաբերությունների կառուցման մեր ընկալմանը։ Ռուսաստանը վիրտուալ ոլորտում «հարձակողական» գործողություններ չի անցկացնում», - նշված է Facebook-ում Ռուսաստանի դեսպանատան էջում։
ՆԱՏՕ–ն ավելացնում է պաշտպանությանն ուղղված ծախսերը. ՌԴ–ն կմասնակցի՞ մրցավազքին
Նշվում է, որ Ռուսաստանը կիբեռանվտանգության վերաբերյալ երկկողմանի ու բազմակողմանի համաձայնագրեր է առաջ տանում։
Բացի այդ, դեսպանատունը հիշեցրել է ՌԴ նախագահ Վլադիմիր Պուտինի նախաձեռնության մասին, այն է՝ միջազգային տեղեկատվական անվտանգության ոլորտում ԱՄՆ-ի հետ փոխներգործությունը վերականգնելուն ուղղված համալիր ծրագիր իրագործել։
«Մենք այդպես էլ Վաշինգտոնից պատասխան չստացանք այնպես, ինչպես չէինք ստացել երկու երկրների միջև կառուցողական ու հավասար երկխոսություն կառուցելու` մեր այլ առաջարկների վերաբերյալ», - ընդգծվում է մեկնաբանության մեջ։
Մոսկվայում բազմիցս անհիմն են որակել Արևմուտքի մեղադրանքներն այն մասին, որ ռուսաստանցի հաքերները կապ ունեն տարատեսակ հաքերային հարձակումների հետ։ Միաժամանակ Ռուսաստանն առաջարկել էր Արևմուտքին վերականգնել երկխոսությունը կիբեռանվտանգության թեմայով ու «կտրուկ մերժում» էր ստացել։
Ուզում են հա՛մ երկխոսել Մոսկվայի հետ, հա՛մ զսպել. ՆԱՏՕ–ն նոր քաղաքականություն է որդեգրել
