ԵՐԵՎԱՆ, 13 դեկտեմբերի - Sputnik. ՀՀ վարչապետ Նիկոլ Փաշինյանն այսօր ժամը 16։00-ին Անվտանգության խորհրդի հրատապ նիստ է հրավիրել։ Նիստին հրավիրված են նաև խորհրդարանական խմբակցությունները։
Այս մասին տեղեկությունները Sputnik Արմենիայի հետ զրույցում հաստատեց «Բարգավաճ Հայաստան» խմբակցության պատգամավոր Նաիրա Զոհրաբյանը։
«Նիստը կայանալու է ժամը16:00-ին, ընդդիմությունը հրավիրված է, մենք մասնակցելու ենք»,– ասաց նա` հավելելով, որ ԲՀԿ–ից նիստին մասնակցելու է «Բարգավաճ Հայաստան» խմբակցության քարտուղար Արման Աբովյանը։
«Լուսավոր Հայաստանի» ղեկավար Էդմոն Մարուքյանն էլ Sputnik Արմենիայի հարցին ի պատասխան ասաց. «Չեմ մեկնաբանում, բայց և չեմ հերքում»։
Նիստի օրակարգն այս պահին շարունակում է անհայտ մնալ, բայց ըստ նախնական տեղեկությունների, քննարկվելու է Արցախում երեկվանից ստեղծված իրավիճակը։
«Խաբեբա Նիկոլը պետք է հեռանա». քաղաքացիները փակել էին օդանավակայան տանող ճանապարհը
Հիշեցնեք, որ արդբեջանական հատուկջոկատայինները հարձակվել են Հին թաղեր ու Խծաբերդ գյուղերի վրա։ Հին Թաղերն անցել է հակառակորդի տիրապետության տակ։
Նշենք նաև, որ նոյեմբերի 9-ի եռակողմ հայտարարության ստորագրումից հետո ընդդիմադիր ուժերը պահանջում են Նիկոլ Փաշինյանի հրաժարականը։
