ԵՐԵՎԱՆ, 13 դեկտեմբերի – Sputnik. Իրանի կառավարությունն ու ժողովուրդը զգայնությամբ և լրջությամբ են դիմակայելու տարածաշրջանի պատմական իրողությունների նկատմամբ թյուր հայացքներին։ Այս մասին հայտարարել է Հայաստանում Իրանի դեսպան Աբաս Զոհուրին, անդրադառնալով Թուրքիայի նախագահ Էրդողանի վերջին արտահայտությանը հետևած իրադարձություններին։ Տեղեկությունը հայտնում է Հայաստանում Իրանի դեսպանատան թվիթերյան էջը:
Էրդողանը չի գիտակցել, որ Իրանն այդքան զգայուն է իր արտասանած բանաստեղծության հանդեպ
«ԱԳ նախարար Զարիֆի դիրքորոշումը, Թուրքիայի դեսպանին ԱԳՆ կանչելը և Իրանի ողջ ժողովրդի արձագանքը ցույց տվեցին, թե Իրանի կառավարությունն ու ժողովուրդը ինչպիսի զգայնությամբ և լրջությամբ են դիմակայելու տարածաշրջանի պատմական իրողությունների նկատմամբ թյուր հայացքներին»,-նշել է դեսպանը:
Դեսպան Զոհուրի: ԱԳ նախարար Զարիֆի դիրքորոշումը, Թուրքիայի դեսպանին ԱԳն կանչելը և Իրանի ողջ ժողովրդի արձագանքը ցույց տվեցին, որ Իրանի կառավարությունն ու ժողովուրդը ինչպիսի զգայնությամբ և լրջությամբ են դիմակայելու տարածաշրջանի պատմական իրողությունների նկատմամբ թյուր հայացքներին: https://t.co/PcHXQPAp2Q
— IRI Embassy, Armenia (@iraninyerevan) December 11, 2020
Հիշեցնենք, որ դեկտեմբերի 10-ին Բաքվում կայացած շքերթում Էրդողանն իր ելույթում արտասանել էր ադրբեջանցի բանաստեղծ Բախտիար Վահաբզադեի պոեմից մի հատված` Հարավային Ադրբեջանի և Հյուսիսային Ադրբեջանի տարանջատման մասին (անջատողական գաղափարներ ներառող բանաստեղծություն Արաքս գետի մասին-խմբ)։
Էրդողանի հայտարարությունը չի ներվել, Իրանում բողոքի ցույցեր են կազմակերպվել. լուսանկարներ
Դրան հաջորդեց Թուրքիայի արտգործնախարար Մևլութ Չավուշօղլուի հեռախոսազրույցը Իրանի արտգործնախարար Մոհամմադ Ջավադ Զարիֆի հետ, որում մասնավորապես նշվել էր, որ Թուրքիայի նախագահ Ռեջեփ Թայիփ Էրդողանը չի գիտակցել, որ Բաքվում հնչեցրած բանաստեղծությունն այդքան զգայուն է Իրանի համար։
Նշվել է, որ Անկարան, անկասկած, ճանաչում է Իրանի տարածքային ամբողջականությունը և գնահատում է երկու երկրների բարեկամական հարաբերությունները:
