ԵՐԵՎԱՆ, 12 դեկտեմբերի - Sputnik. Ռուսաստանի արտակարգ իրավիճակների նախարարության մամուլի կենտրոնի փոխանցմամբ՝ դեկտեմբերի 11-14-ը գերատեսչությունը Լեռնային Ղարաբաղ կուղարկի 54 վագոն մարդասիրական օգնություն։ Այն նախատեսված է քաղաքացիական բնակչության համար։ Տեղափոխումը կիրականացվի Ռուսաստանի 8 քաղաքներից։
Դեկտեմբերի 11-ին Տիխորեցկից և Ուլյանովսկից ուղարկվել է 4 վագոն։ Դեկտեմբերի 12-ին մարդասիրական օգնության է ուղարկվել Մոսկվայից, Իվանովոյից և Ուֆայից։
Բեռը ներառում է շինանյութեր, էլեկտրակայաններ, հրշեջ ավտոցիստեռններ և կենցաղային պարագաներ։ Ընդհանուր բեռը մոտ 1200 տոննա է։
«Մարդասիրական օգնության առաջին խմբաքանակների առաքումն իրականացվել է օպերատիվ կարգով՝ Ռուսաստանի ԱԻՆ ավիացիոն և ավտոմոբիլային տրանսպորտի միջոցով, որպեսզի մինչև ցրտելը վերականգնվեն ավերված կացարանները։ Այժմ աշխատանքն անցել է պլանային փուլ, այդ պատճառով էլ միացել է երկաթուղային տրանսպորտը», - նշված է ՌԴ ԱԻՆ հաղորդագրության մեջ։
Խտացրած կաթ, սուրճ... Լիտվան մարդասիրական օգնություն է տրամադրել պատերազմից տուժած հայերին
Մարդասիրական օգնության տրամադրումն իրականացվում է ՌԴ նախագահ Վլադիմիր Պուտինի և ՌԴ կառավարության որոշումների համաձայն։
