ԵՐԵՎԱՆ, 11 դեկտեմբերի - Sputnik. ՀՀ տարածքային կառավարման և ենթակառուցվածքների նախարար Սուրեն Պապիկյանն այսօր Սյունիքի մարզպետարանի աշխատակազմին, ՏԻՄ ղեկավարներին է ներկայացրել Սյունիքի նորանշանակ մարզպետ Մելիքսեթ Պողոսյանին։ Տեղեկությունը հայտնում է նախարարության մամուլի ծառայությունը։
![Մեղրուց` Գորայք. Սյունիքի նորանշանակ մարզպետը խոստացել է ամեն ինչ անել պաշտպանության համար Մեղրուց` Գորայք. Սյունիքի նորանշանակ մարզպետը խոստացել է ամեն ինչ անել պաշտպանության համար - Sputnik Արմենիա](https://cdn.am.sputniknews.ru/img/07e4/0c/0b/25718828_0:0:1440:747_600x0_80_0_0_0d10989e8b1e3bb53e999fad5e137af3.jpg)
«Այսօր առավել քան երբևէ` շատ կարևոր է, որ մարզի ղեկավարումը ստանձնի զինվորական փորձառություն ունեցող անձնավորություն, որը մեր սահմանների ամրության գործում ունի իր անձնական մասնակցությունը և գիտակցում է ժամանակի հրամայականը։ Այս դժվարին պահին իր ուսերին նման պատասխանատվություն վերցնելով՝ պարոն Պողոսյանը մեծագույն ծառայություն է մատուցում մեր պետությանը»,- նշել է նախարար Պապիկյանը։ Նա կարևորել է մարզի ռազմավարական նշանակությունն ու աշխարհագրական դիրքի կարևորությունը։
Սուրեն Պապիկյանը նաև շնորհակալություն է հայտնել Սյունիքի նախկին մարզպետ Հունան Պողոսյանին՝ շուրջ երկու տարի մարզը ղեկավարելու համար։ Նախարարը շեշտել է Սյունիքի համայնքների վճռորոշ դերակատարումը թիկունքի ամրությունն ապահովելու գործում։
Ի՞նչ է անում Արման Թաթոյանը Սյունիքի մարզում
Մելիքսեթ Պողոսյանն էլ նշել է Մեղրուց մինչև Գորայք Սյունիքի պաշտպանության կարևորությունը։ Նա խոստացել է անել հնարավոր ամեն բան այն ապահովելու համար։
Մելիքսեթ Պողոսյանը ազատամարտիկ է, արցախյան 90-ականների ազատամարտի մասնակից, «Մելիք Բարխուդար» ազատագրական ջոկատի հրամանատար, գնդապետ։