ԵՐԵՎԱՆ, 11 դեկտեմբերի - Sputnik. Հունաստանի արտաքին գործերի և ազգային պաշտպանության նախարարությունները կօգնեն Հայաստան ուղարկել Հունաստանում հայկական կազմակերպությունների հավաքագրած մարդասիրական օգնությունը։ Տեղեկությունը հայտնում է ՌԻԱ Նովոստին՝ վկայակոչելով երկրի ԱԳՆ-ն:
Նշվում է, որ Զարգացման բնագավառում միջազգային համագործակցության ծառայությունն (IDAS) արձագանքել է Հունաստանում հայկական կազմակերպությունների հարցմանը (Հայ օգնության միություն, Հայկական Կապույտ խաչ և Մակեդոնիա - Թրակիա Գթության խաչ)։
Այս կազմակերպություններն Աթենքում Հայաստանի դեսպանության հետ համատեղ մարդասիրական օգնություն են հավաքել Արցախում պատերազմի հետևանքով տուժած բնակիչների համար։
«Ազգային պաշտպանության նախարարության հետ համագործակցությամբ, որը տրամադրել է ինքնաթիռը, տուծաժների ու փախստականների համար նախատեսված բժշկական նշանակության պարագաներ, սննդամթերք ներառող մարդասիրական օգնությունը շաբաթ օրը՝ դեկտեմբերի 12 - ին կտեղափոխվի Հայաստան»,- նշված է հաղորդագրության մեջ:
«Դոկտոր Լիզան» մինչև Նոր տարի մարդասիրական օգնություն կուղարկի Արցախ
Գործողությունները համակարգում է IDAS-ի գլխավոր տնօրեն Գեորգիոս Լարիսիսը։ Նա օգնությունը կփոխանցի Հայաստանի արտակարգ իրավիճակների նախարարության և Հայ օգնության միության հայաստանյան գրասենյակի ներկայացուցիչներին՝ ի նշան փորձությունների միջով անցած մարդկանց հետ համերաշխության և աջակցության։
Նշենք, որ Աթենքի «Արմենիա» մշակութային կենտրոնի տվյալներով՝ Հունաստանում բնակվում է մոտ 100 հազար հայ։
ՌԴ ԱԻՆ-ի երկրորդ շարասյունն է մեկնել Ղարաբաղ. նրանք մարդասիրական բեռ են տանում
