ԵՐԵՎԱՆ, 11 դեկտեմբերի - Sputnik. ԵԱՏՄ մի շարք երկրներ ՀՀ քաղաքացիների մուտքի արգելքի վերացումը չափազանց կարևոր է։ Եվրասիական տնտեսական բարձրագույն խորհրդի նիստում հայտարարեց ՀՀ վարչապետ Նիկոլ Փաշինյանը:
«Համաճարակն ու մարտահրավերները, որոնց բախվել ենք այս տարի, զգալի խնդիրներ են ստեղծել: Միևնույն ժամանակ, դա չի հանգեցրել Միության գործունեության ասպարեզի նեղացմանը, ընդհակառակը, դժվարությունները մեզ միավորել են», - ասաց Փաշինյանը:
Նրա համոզմամբ, առկա խնդիրները ցույց տվեցին արդյունավետ գործող ինտեգրացիոն գործընթացների ակտիվացման անհրաժեշտությունը, ապրանքների, ծառայությունների, աշխատուժի և կապիտալի տեղաշարժի ազատության հետագա սերտաճման, ինտեգրման մակարդակի բարձրացման անհրաժեշտությունը:
«Այս տեսակետը հաստատվեց ճգնաժամի հենց ընթացքում: Այն հաղթահարելիս անվիճելի է այն աջակցության կարևորությունը, որը մենք ստացել և շարունակում ենք ստանալ մեր գործընկերներից: Մենք երախտապարտ ենք համաճարակի տարածմանը դիմակայելու և մեր առջև ծառացած մարտահրավերներին դիմակայելու հարցում Ռուսաստանի կողմից ցուցաբերած անգնահատելի օգնության համար», - ասաց Փաշինյանը:
ԵԱՏՄ երկրները պետք է ամրապնդեն միասնական շուկան. Միշուստինը` զարգացման նոր մակարդակի մասին
ՀՀ վարչապետը հատուկ ուշադրություն հրավիրեց այն հանգամանքի վրա, որ այսօրվա մարտահրավերների լուծման համար անհնար է անտեսել Հայաստանի հետ ԵԱՏՄ անդամ երկրների ընդհանուր սահմանի բացակայության ու աշխարհագրական հեռավորության հետևանքով առաջացող լրացուցիչ տնտեսական ծախսերի հանգամանքը։
Այս պարագայում, նրա խոսքով, Հայաստանի համար հիմնարար նշանակություն ունի ԵԱՏՄ երկրների հետ ուղեւորների և բեռների անխոչընդոտ կապը:
«Այս ոլորտում սահմանափակումները հատկապես զգայուն են, ուստի ՀՀ քաղաքացիների կողմից ԵԱՏՄ մի շարք երկրներ մուտքի արգելքը վերացնելը հատուկ կարևորություն ունի», - ասաց կառավարության ղեկավարը:
Այս համատեքստում Փաշինյանը նաև կարևորեց Հայաստանի նախաձեռնությունը` ուղված մաքսային ընթացակարգերի պարզեցմանն ուղղված «կանաչ միջանցքներ» ստեղծելուն։
Նիկոլ Փաշինյանը հատուկ ընդգծեց, որ Կուբան և Ուզբեկստանը այսօրվա նիստում ԵԱՏՄ-ում պաշտոնապես դիտորդի կարգավիճակ կստանան`միաժամանակ հայտնելով այդ երկրների հետ համագործակցելու Հայաստանի պատրաստակամության մասին:
Նշենք, որ Եվրասիական տնտեսական բարձրագույն խորհրդի նիստն անցկացվում է տեսակոնֆերանսի ռեժիմով: Օրակարգում կա 28 հարց, այդ թվում՝ Միության 2021 թվականի միջազգային գործունեության հիմնական ուղղությունները, անցում դեպի Եվրասիական տնտեսական միության ընդհանուր գազի շուկայի ձևավորման երկրորդ փուլ, Միության 2021 թվականի բյուջեն, ԵԱՏՄ դատարանի նախագահի և նրա տեղակալի հաստատումը, ԵԱՏՄ մարմիններում նախագահություն և այլն։
